Lærdalstunnelen
60°59′23″N 7°23′54″E / 60.98972°N 7.39833°E / 60.98972; 7.39833
 Inngangen til Lærdalstunnelen frå Aurlandsida (9. september 2010) | |
| Offisielt namn | Lærdalstunnelen |
|---|---|
| Transporterer | Biltrafikk – 2 felt |
| Veg | E16 |
| Stad | Aurland Lærdal |
| Kommune | Aurland Lærdal |
| Fylke | Vestland |
| Lengd | 24 509 m |
| Trafikk | 2 111 (2023) |
| Opna | 27. november 2000 |
Lærdalstunnelen 60°58′19″N 7°22′06″E / 60.971944444444°N 7.3683333333333°E | |
.jpg)
Lærdalstunnelen er ein vegtunnel mellom Aurland og Lærdal i Vestland fylke. Med sine 24 510 meter er tunnelen den lengste vegtunnelen i verda. Bygginga av tunnelen tok til den 15. mars 1995. Den 3. september 1999 var det gjennomslag, og den 27. november 2000 vart tunnelen erklært klar for vanleg trafikk. Tunnelen ligg på strekninga Oslo – Bergen. Tunnelen gjer det mogleg med eit vintersikkert samband mellom dei to største byane i Noreg. Ein må ikkje betala bompengar for å køyra gjennom tunnelen, slik som ein må gjennom mange andre tunnelar. Tunnelen er ein del av Europaveg 16.
Tunnelen er formgjeven med tanke på å letta konsentrasjonen til dei køyrande. Slik er tunnelen delt inn i fire seksjonar, med tre store fjellholer mellom. Fjellholene er lyssette og skal kunna gje dei køyrande ei avveksling. Om nokon skulle få problem under køyringa er det mogleg å stoppa og ta ein pause.
Det er dekning for mobiltelefonnettet GSM og radiosignal for P1 og P4 gjennom heile tunnelen.
Kjelder
Bakgrunnsstoff
This article uses material from the Wikipedia Nynorsk article Lærdalstunnelen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.