Moskvatid (russisk: моско́вское вре́мя – moskovskoje vremja), forkorta MSK, er ei tidssone som omfattar byen Moskva og det meiste av den europeiske delen av Russland, inkludert Sankt Petersburg.
Ho er den nest vestlegaste av dei ni tidssonene i Russland.
blå | Vesteuropeisk tid (UTC+0, Greenwich middeltid) Vesteuropeisk sommartid (UTC+1) |
lyseblå | Vesteuropeisk tid (UTC+0) |
raud | Sentraleuropeisk tid (UTC+1) Sentraleuropeisk sommartid (UTC+2) |
gul | Kaliningradtid (UTC+2) |
oker | Austeuropeisk tid (UTC+2) Austeuropeisk sommartid (UTC+3) |
grøn | Moskvatid (UTC+3) |
Den 27. mars 2011 vart det innført «permanent sumartid» i heile Russland i samanheng med overgangen til sumartid. Moskvatida blei då låst til fire timar framføre UTC (UTC+4). Den 26. oktober 2014 blei dette endra igjen, og Russland har etter dette «permanent vintertid». Dermed ligg Moskvatid no tre timar framføre UTC UTC+3..
I følgje eit dekret frå Folkekommissærane sitt råd frå 16. juni 1930 blei det innført dekrettid, som innebar at det blei lagt til ein time for alle tidssonene i Sovjetunionen, slik at moskvatid blei liggande tre timer føre UTC.
Moskvatid blir brukt til rutetabellar for tog, fly, skip, osb. over heile Russland. Moskvatid blir òg registrert på telegram og liknande, og blir ofte også brukt av radio- og TV-stasjonar over heile landet.
Moskvatid blir nytta av heile Russland vest for Uralfjella, med unnatak av Kaliningrad oblast som nyttar austeuropeisk tid (UTC+2), Samara oblast og Udmurtia som nyttar samaratid (UTC+4), og Perm kraj, Basjkortostan og Orenburg oblast som nyttar jekaterinburgtid (UTC+5).
Tidlegare blei moskvatid også nytta i dei europeiske delane av Sovjetunionen:
I åra mellom 1922-30 og 1991-92 nytta Moskva austeuropeisk tid.
This article uses material from the Wikipedia Nynorsk article Moskvatid, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.