Mattias Jonsson Soggemoen (5.
oktober">5. oktober 1847–1929) var ein norsk arbeidsmann og fjellklatrar frå dåverande Grytten herad i Romsdal.
Soggemoen var eldste son til ein plassemann under garden Sogge i dagens Rauma kommune. Sjølv busette han seg på Veblungsnes, den sentrale handelsstaden i heradet. Han fekk ry som ein habil fjellklivar, mellom anna etter å ha klatra til topps på Romsdalshornet i 1881. Åra 1883 til 1886 var han hyra inn av den danske fjellklatraren Carl Hall og assisterte denne på fleire fyrstebestigingar av fjelltoppar i Jotunheimen, til dømes Store Styggedalstind 7. august 1885. I 1888 fylgde han Hall til Nordland då dei prøvde å kome til topps på Stetinden i Tysfjord.
Soggemoen vart nemnd «løsarbeider» ved folketeljingane 1900 og 1910. Han var ei tid med å arbeide på jarnbanestrekninga Raumabana. Etter 1. verdskrigen utvandra han og kona til born i USA. I 1929 vart han gravlagd i byen Bend i Deschutes County i delstaten Oregon som Mathias Moen.
This article uses material from the Wikipedia Nynorsk article Mattias Soggemoen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.