In My Defence
1992 (remix)
| In My Defence av Freddie Mercury | ||
| Utgjeve | 1986 (Original) | |
| Innspelt | Oktober 1985 | |
| Sjanger | Pop rock, soft rock | |
| Lengd | 3:48 (original) 3:52 (remix) | |
| Selskap | EMI | |
| Låtskrivar(ar) | Dave Clark, David Soames, Jeff Daniels, Freddie Mercury | |
|---|---|---|
«In My Defence» er ein powerballade framført av Queen-vokalisten Freddie Mercury. Songen var frå musikalen Time av Dave Clark og vart gjeven ut på albumet Time. Songen vart ikkje ein hit medan Mercury levde, men vart det i 1992 etter Mercury døydde. Singelen nådde då åttandeplassen på UK Singles Chart i Storbritannia.
Bakgrunn
Songen vart skriven av Dave Clark, David Soames og Jeff Daniels for musikalen Time. Under musikalen framførte Mercury songen som ein duett med Cliff Richard. Dette var siste gongen Mercury song på ein konsert. Den siste framsyninga hans var i Barcelona i 1988 med Montserrat Caballé, men under denne framsyninga vart det berre mima. Songen vart innspelt som eit soloprosjekt, og spelt inn i Abbey Road i oktober 1985, kring seks månader etter Mr. Bad Guy kom ut. Produsentane forventa at Mercury ikkje var nøgd med den endelege songen, og dei ville la han spele inn med resten av Queen. Men Mercury likte godt den endelege versjonen. «In My Defence» vart først gjeven ut på albumet Time i 1986. Andre versjonar var ein Ron Nevison Mix, som kom ut på The Freddie Mercury Album og ein instrumentalversjon (med vokal for den siste linja) som finst på The Solo Collection. Ron Nevison-miksen er særs lik originalen, men har anna bass og anre trommer, medan somme strykarar vart lagt til og andre fjerna. 2000-remixen er ein remastra versjon av Ron Nevison-miksen, men har dei same instrumentspora miksa annleis.
Musikkvideo
Musikkvideoen, som vart laga etter Mercury døydde i 1991, vart regissert av Rudi Dolezal og var ein montasje av forskjellige unytta opptak av tidlegare musikkvideoar, private bilete og høgdepunkt frå karrieren til Mercury. Dolezal ønskte at videoen skulle vise at Mercury var glad og hadde det fint. Mange av klippa vart òg nytta i den tidlegare videoen til «The Show Must Go On». It
Innhald
UK 7"/kassett
- A. In My Defence
- B. Love Kills (Wolf Euro Mix)
UK CD1
- In My Defence
- Love Kills (Wolf Euro Mix)
- She Blows Hot And Cold (singel)
- In My Defence (original)
UK CD2
- In My Defence
- Love Kills (Original Wolf mix)
- Mr. Bad Guy
- Living On My Own (Underground Solutions Mix)
Medverkande
- Freddie Mercury - solovokal
- Michael Moran - piano
- Paul Vincent - gitarar
- Graham Jarvis - trommer
- Andy Pask - bass
- Peter Banks - synthesizerar
- John Christie - korvokal
Kjelder
This article uses material from the Wikipedia Nynorsk article In My Defence, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.