Cliff Richard: Britisk songar

oktober">14. oktober 1940), fødd Harry Rodger Webb, er ein engelsk låtskrivar, songar, skodespelar og entreprenør.

Cliff Richard
Fødd	14. oktober 1940 (83 år)
Fødestad	Lucknow
Fødenamn	Harry Rodger Webb
Alias	Cliff Richard
Opphav	England
Aktiv	1958-
Sjanger	Rock 'n' roll/pop/gospel
Instrument	Vokal, gitar
Tilknytte artistar	The Shadows
Plateselskap	EMI, Decca, Columbia, Epic, Rocket, Papillon
Verka som	Songar og låtskrivar
Prisar	offiser av Den britiske imperieordenen, Silver Clef Award, kommandør av Infante Dom Henriks orden, Knight Bachelor

Med gruppa hans The Shadows regjerte Richard den britiske popmusikken seint på 1950- og tidleg på 1960-talet, før og i løpet av dei første åra The Beatles kom inn på hitlistene. Etter han vart kristen endra musikken og imaget hans seg meir mot pop enn rock. Han klart aldri å slå skikkeleg igjennom i USA, trass i at fleire av singlane hans gjekk inn på listene der.

I løpet av seks tiår har Cliff Richard hatt mange singlar inne på listene, og er i lag med Elvis Presley den einaste artisten som har gått inn på singellista i Storbritannia i alle tiår frå 1950-åra til 2000-åra. Han er den einaste songaren som har hatt singlar på toppen av lista i alle tiår frå 1950- til 1990-åra. Richard har hatt meir enn 130 singlar, album og EPar inne på Topp 20 i Storbritannia, meir enn nokon annan. Han har selt meir enn 260 millionar plater.

Den musikalske karrieren til Richard starta i 1958 med platekontrakt hos EMI. Den første hitten hans var songen «Move It». Han deltok i Melodi Grand Prix to gonger, i 1968 med «Congratulations» og 1973 med «Power To All Our Friends». Han vann aldri, men «Congratulations» vart ein stor hit som framleis er mykje spelt.

I 1973 spelte Richard hovudrolla i «komihumormusikalen» Kofferten, eit samarbeid mellom Sveriges Radio, BBC, YLE og NRK. I 1976 fekk han det endelege gjennombrotet i USA med songen «Devil Woman». Tre år seinare toppa han lister i fleire land igjen med songen «We Don't Talk Anymore», som vart ein av dei største songane hans. Utover 80-talet hadde han fleire hittar. Han fekk ein grammy for beste pop-plate i Storbritannia i 1988, og året etter selde han ut Wembly-arenaen to gonger i eit gigantisk jubileumsshow. I 1999 fekk han sin siste listetopp med «The Millennium Prayer».

Nokre av dei mest kjende songane til Cliff Richard er:

• «Move It» (1959)
• «Living Doll» (1959)
• «The Young Ones» (1962)
• «Do You Want to Dance» (1962)
• «Lucky Lips» (1963)
• «Summer Holiday» (1963)
• «I Could Easily Fall» (1964)
• «Congratulations» (1968)
• «Good Times, Better Times» (1969)
• «Power To All Our Friends» (1973)
• «Miss You Nights» (1975)
• «Devil Woman» (1976)
• «We Don't Talk Anymore» (1979)
• «Dreamin'» (1980)
• «Wired For Sound» (1981)
• «Baby You're Dynamite» (1983)
• «Some People» (1987)
• «Mistletoe And Wine» (1988)
• «Stronger Than That» (1989)
• «From a Distance» (1990)
• «Saviours Day» (1990)
• «Peace In Our Time» (1993)
• «The Millennium Prayer» (1999)
• «Let Me Be the One» (2002)

• Offisiell nettside Arkivert 2012-11-05 ved Wayback Machine.