Hannover

Han er hovudstaden i den tyske delstaten Niedersachsen, og styrte òg den mindre Hannover-regionen, fram til regionane i Niedersachsen vart oppløyst i 2005. Byen har eit folketal på 523 000 (2007), og er eit stort senter i Nord-Tyskland.

Hannover
Byvåpen	Plassering
Styresmakter
Land Delstat Regierungsbezirk‎ Landkreis	Tyskland Niedersachsen Ingen Hannover
Geografi
Flatevidd  - By	204,01 km²
Innbyggjarar[1]  - By (2007)    - folketettleik  - Storbyområde	522 944   2 563/km² 1 128 543
Koordinatar	52°22′0″N 9°43′0″E / 52.36667°N 9.71667°E / 52.36667; 9.71667
Høgd over havet	55 m
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	30001 - 30669
Telefon-retningsnummer	0511
Bilnummer	H
Heimeside: www.hannover.de

Hannover er ein kjend messeby. Kvar sommar huser han verdas største datamesse, CeBIT, og industrimessa Hannover Messe. I 2000 var Hannover vert for verdsudstillinga Expo 2000. Kvart år vert «Schützenfest Hannover» og Oktoberfest Hannover, som er den største Oktoberfest i verda, halde her.

Hannover har universitet med medisinsk utdanning, ein internasjonal flyplass og ein stor dyrehage (Hannover Zoo).

Hannover var opphavleg ein landsby av fiskarar og ferjemenn. Han voks til ein by i mellomalderen, då ein mellom anna bygde bymuren og fleire kyrkjer.

Greven av Braunschweig flytta til byen i 1636, og grevskapet hans vart sidan kalla Hannover. Denne adelsslekta skulle seinare få innpass i det britiske kongehuset. I fem generasjonar var den britiske monarken òg regent av Hannover. Då Victoria overtok trona i Storbritannia gjekk kongedømet Hannover over til den næraste mannlege arvingen.

Hannover vart annektert av Preussen i 1866. Byen fortsette å veksa, men vart som så mange andre tyske byar svært øydelagd av bombeåtak under den andre verdskrigen. På grunn av dette har Hannover også mange moderne bygg.

Niedersachsen er eit viktig industriområde, og i Hannover ligg fabrikkane til mellom anna Volkswagen og Mercedes-Benz. På 1800-talet blei industrikonsernet Hanomag ein viktig industri i byen. Konsernet vart kjøpt opp av Mercedes-Benz på 1960-talet.

Rockegruppene Scorpions og Fury in the Slaughterhouse kjem frå denne byen

•  
  Moderne arkitektur laga av Frank Gehry.
•  
  Kröpckeplassen med Kröpckeklokka i desember 2004.
•  
  Det nye rådhuset i Hannover.

  Commons har multimedium som gjeld: Hannover

  Reiseguide for Hannover frå Wikivoyage

• Offisiell nettstad  

• Panorama frå Hannover
• Om parkene i Hannover
• Viktige kvinner frå Hannover Arkivert 2005-04-10 ved Wayback Machine.