Hannover

Býurin er høvuðsstaður í stakríkinum Niedersachsen og liggur uml. 150 km sunnan fyri Hamburg.

Við ársbyrjan 2018 búðu um 535.061 fólk í býnum. Harvið er Hannover størsti býur í stakríkinum og 13. størsti í Týsklandi.

Hannover er universitetsbýur. Lærdi háskúlin varð settur á stovn í 1831. Síðan 2006 er Universität Hannover uppkallað eftir heimsgitna vísindamanninum og fjølfrøðinginum Gottfried Wilhelm Leibniz, sum livdi frá 1676 til 1716 í býnum.

Áin Leine rennur ígjøgnum býin.

Fyrstu ferð Hannover verður nevndur í skrivligum keldum, er í miðøld. Býurin verður nevndur sum Vicus Hanovere í einum skjali frá árinum 1150. Búsetingin fekk býarrættindi í 1241. Í 1692 gjørdist Hannover 9. kurfúrstadømið í Heilaga rómverska ríkinum. Frá 1814 til 1866 var Hannover høvuðsstaður í kongsríkinum Hannover. Í 1866, undir krignum millum Eysturríki og Proysen, hevði kongsríkið Hannover verið í parti við eysturríkarunum. Teir taptu móti Proyseni, og tí varð kongadømið Hannover tikið av eftir krígslok. Tað gjørdist ein landslutur í Proyseni, men býurin Hannover var framhaldandi høvuðsstaður í tí nýggja landslutinum. Undir Seinna heimsbardaga vórðu stórir partar av býnum oyðilagdir.

•  
  Høvuðskirkjan Marktkirche St. Georgii & Jacobi.
•  
  Húsini hjá Leibniz.
•  
  Gamla ráðhúsið
•  
  Nýggja ráðhúsið
•  
  Tinghúsið hjá stakríkinum ber navnið Leineschloss.
•  
  Operahúsið
•  
  Kuppelsaal: størsta konserthúsið í Hannover.
•  
  Sjónleikarhúsið
•  
  Høvuðsbygningurin hjá universitetinum
•  
  Herrenhausen-havarnir úr erva.
•  
  Økið fyri uttandura framførslur í Herrenhausen-havunum.
•  
  Høvuðstokstøðin
•  
  Flogvøllurin Hannover-Langenhagen

• Listi yvir størstu býir í Týsklandi
• Hannover 96

• Almenna heimasíða, hannover.de
• Hannover, de.wikivoyage.org (á týskum)
• Hannover, en.wikivoyage.org (á enskum)

Wiki Føroyskt 

Sí miðlasavnið

»Hannover« í Wiki Commons.

09°43′00″E / 52.36667°N 9.71667°E / 52.36667; 9.71667