Gujranwala

Han er den sjuande folkerikaste av storbyområda i Pakistan, og er ein av dei raskaste veksande byane i landet. Gujranwala ligg 226 meter over havet. Han grensar mot Ghakhar Mandi, Alipur Chatha, Kamonke og fleire mindre byar og landsbyar.

Gujranwala گوجرانوالا‎
by
Land	Pakistan
Region	Panjab
Distrikt	Gujranwala
Koordinatar	32°9′N 74°11′E / 32.150°N 74.183°E / 32.150; 74.183
Areal	3 198 km²
Folketal	1 132 509  (august 2014)
Tidssone	PST (UTC+5)
- Sommartid	PDT
Gujranwala 32°09′00″N 74°11′00″E / 32.15°N 74.183333333333°E / 32.15; 74.183333333333
Wiki Commons: Gujranwala

Namnet «Gujranwala» viser til at byen blei bygd av gurjarar. Namnet blir også knytt til riket Gurjara-Pratihara. Ifølgje Imperial Gazetteer of India blei byen omdøypt Khanpur av sansi-jattar frå Amritsar som slo seg ned, men det eldre namnet overlevde.

Gujranwala blei viktig under framveksten av Sikh-riket på 1700-talet. Han var fødestaden til grunnleggjaren av riket, Ranjit Singh, og hovudstad for føregjengarane hans, faren Maha Singh og farfaren Tsjarat Singh. Sikh-leiaren Hari Singh Nalwa reiste mykje av den «nye» byen.

Området kom under britisk styre i 1848. I 1881 blei det bygd ei jernbanelinje langs hovudvegen Grand Trunk Road som band saman Gujranwala med andre byar i Panjab og letta handel.

Gujranwala har steppeklima (BSh etter Köppen si klimaklassifisering). Om sommaren (juni til september) kan temperaturen koma opptil 36 °C. Dei kaldaste månadane er som regel november til februar, då gjennomsnittet klan ligga på 7 °C. Månadane med høgast nedbør er som regel juli og august, når monsunen kjem til Panjab. I dei andre månadane er gjennomsnittleg nedbør rundt 25 mm. Dei tørraste månadane er som regel november til april, med lite nedbør.

•  
  Baraari i Sherawala-hagen
•  
  Jernbanestasjonen i Gujranwala
•  
  Mariakyrkja (St. Mary's Catholic Church) i Buttranwali
•  
  Universitetet i Panjab, Gujranwala
•  
  Krigsminnesmerket Nishan-E-Manzil