Fulehuk Fyrstasjon

Fulehuk fyrstasjon

Fulehuk fyr, om lag 1920.
Fylke	Vestfold
Kommune	Færder
Oppretta	1821
Koordinatar	59°10.5385′N 10°35.9563′E / 59.1756417°N 10.5992717°E / 59.1756417; 10.5992717
Fyrtårn
Høgd	3,8
Form	Raudt tårn med to kvite belte
Fyrlys
Lyskarakter	Okkulterande blink kvart 6. sekund
Lyshøgd	10,0 moh.
Lysvidde	6,8 nm
Status
Eigar	Nøtterøy kommune
Nedlagt	1989
Vernestatus	Ikkje freda
Fulehuk fyrstasjon 59°10′31″N 10°35′57″E / 59.17527778°N 10.59916667°E / 59.17527778; 10.59916667

Plasseringa til Fulehuk fyrstasjon

Fyrlykta vart tent 1. november 1821. I 1841 vart fyret det første i landet med tåkeklokke. Klokka vart bytta ut både i 1879 og 1885, den siste gangen på grunn av eit havari på skjeret. I 1912 vart det sett opp eit naust, og fyret fekk elektrisitet i 1938. I 1989 vart Fulehuk fyr sløkt og erstatta av Hollenderbåen fyrlykt.

Den opphavlege fyrvaktarbygningen var bygd av stein og var på ein etasje. I 1910 vart fyret påbygd med ein etasje i tre. Fulehuk står ikkje på Riksantikvaren si liste over verneverdige fyrstasjonar. I periodar budde òg fyrvaktarane sine familiar på fyret.

I 2005 kjøpte Nøtterøy kommune fystasjonen Fulehuk av Kystverket. Ei veneforeining, Fulehuks Venner, har tatt på seg ansvaret for vedlikehaldet av stasjonen.

Opphavet til stadnamnet Fulehuk er omstridd. Det kjem truleg frå nederlandsk (Vuile Hoek = Det farlege neset), og har då ikkje noko med fuglar å gjere. Den språklege parallellen i norsk er ordet ful, som tyder skummel.

• Fyr i Noreg
• Nedlagde fyrstasjonar i Noreg

Andre kjelder

• «Norsk fyrliste 2008» (PDF). Kystverket.