Egil Storbekken: Norsk folkemusikar og komponist

Egil Storbekken
	Egil Storbekken
	;
Fødd	24. mai 1911
Fødestad	Tolga kommune
Død	19. mars 2002 (90 år)
Dødsstad	Tolga kommune
Opphav	Noreg
Instrument	Tussefløyte, bukkehorn, Lur, seljefløyte, Munnharpe
Verka som	komponist, musikar

mai">24. mai 1911–19. mars 2002) var ein norsk musikar, komponist og instrumentmakar frå Tolga i Nord-Østerdal. Han er mest kjend for musikken som han komponerte for tussefløyte og framførte sjølv på dette instrumentet, og var ein viktig formidlar av norske folkemusikktradisjonar. Han har òg arrangert verk for orkester og songkor. I 1999 fekk han Gammleng-prisen i klassa «veteran».

Egil Storbekken tok til med komponist- og musikarverksemda si på 1930-talet. På heimstaden Tolga verka han både som musikar og som dirigent for eit strykeorkester, janitsjarkorps, to kor og eit folkemusikkensemble. Han hadde fatta interesse for gamle norske folkemusikkinstrument som bukkehorn, lur, munnharpe, seljefløyte og tussefløyte, og reiste i femten år saman med Rikskonsertane for å presentere desse instrumenta for skuleelevar over heile landet. Han skipa òg ensemblet Tolga-Tusseladdene for å kunne framføre både folkemusikk og sine eigne komposisjonar for tussefløyte. Formell musikkutdanning hadde han ikkje, berre eit stutt studieopphald ved Musikkonservatoriet i Oslo då han hadde nådd godt vaksen alder.

Egil Storbekkens musikkpris

Tolga kommune, Norsk Lur- og bukkehornlag, Tolga-Os Sparebank og NOPA oppretta i 2006 Egil Storbekkens musikkpris for å fremme bruken av dei eldre folkemusikkinstrumenta i norsk folkemusikk og Egil Storbekken sin musikk.

Filmografi (som komponist)

1963: Freske fraspark

Diskografi (som komponist og utøvar)

1966: Tussefløytelåter (EP)
1967: Optimist med freske fraspark - Stemning fra Steigjela landets mest omtalte bygdevei i Alvdal (EP)
1967: Ekkolåter (EP)
1969: Vårleken (EP)

1968: Tussefløytelåter (LP)
1970: Norske Fjelltoner (LP)
1972: Toner frå Fjell og Seter (LP)
1974: Kos på bygdom (LP)
1977: Helsing frå Østerdalen (LP)
1984: Trolldans (LP)

Bakgrunnsstoff

Commons har multimedium som gjeld: Egil Storbekken

Kjelder

This article uses material from the Wikipedia Nynorsk article Egil Storbekken, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.