Austsongar: Art av sporvefuglar

Austsongar
Illustrasjon av John Gerrard Keuleman, public domain
Utbreiing og status
Status i verda: Livskraftig Utbreiinga av austsongar
Systematikk
Underrekkje:	Virveldyr Vertebrata
Klasse:	Fuglar Aves
Overorden:	Neoaves
Orden:	Sporvefuglar Passeriformes
Underorden:	Passeri
Familie:	Bladsongarfamilien Phylloscopidae
Slekt:	Bladsongarar Phylloscopus
Art:	Austsongar P. trochiloides
Vitskapleg namn
Phylloscopus trochiloides Sundevall, 1837

Denne songfuglen er ein sterkt trekkfugl og overvintrar i India. Han er insektetar. Austsongaren er ikkje uvanleg som ein vår eller tidleg hauststreiffugl i Vest-Europa, og har blitt observert årleg i Noreg etter 2002. Ein handfull av par hekkar kvart år i Tyskland.

Som alle bladsongarar var han tidlegare plassert i songarfamilien Sylviidae, men no ein del av ein nyleg etablert familie Phylloscopidae.

Dette er ein mellomstor medlem i slekta si, og med heilt typisk songarutsjånad: mørk olivengrøn overside og gul til kvit underside. Han har ei lys gul augebrynstripe og eit bleikt vengspegl. Kroppslengda er rundt 10 til 11 centimeter. Dei fire underartane har mindre variasjonar i fjørdrakta.

Songen er ein skarp, skingrande og gjennomtrengande sekvens av 'tji-vi' som kan minne om linerla, men det er variantar mellom underartar.

Austsongarar hekkar i låglandslauvskog eller blandingsskog; han kan hekke opp til 4500 moh.

Eit usikkert estimat på populasjonen er 900 millinonar individ. Populasjonen er rekna som veksande.

Underartar

• P. t. viridanus, nordaustre Europa til Sentral-Asia og Afghanistan; overvintrar i sørlege India
• P. t. trochiloides, Himalaya til Tibet og vestlege Kina; overvintrar i Nord-India til Indokina
• P. t. ludlowi, vestre Himalaya (Gilgit og Kashmir til Kumaon); overvintrar i sørlege India
• P. t. obscuratus, nordvestre Kina til Tibet; overvintrar i Myanmar, Thailand og Indokina

som mellom anna gav følgjande kjelder:
• Alström, Per; Ericson, Per G. P.; Olsson, Urban; Sundberg, Per (2006). «Phylogeny and classification of the avian superfamily Sylvioidea» (PDF). Mol. Phylogenet. Evol. 38 (2): 381–397. PMID 16054402. doi:10.1016/j.ympev.2005.05.015. 
• Snow, David W.; Perrins, Christopher M.; Doherty, Paul; Cramp, Stanley (1998). The complete birds of the western Palaearctic on CD-ROM. Oxford University Press. ISBN 0-19-268579-1. 

Referansar