आङछिरी शेर्पा

उनको जन्म सन् १९७१मा सोलुखुम्बुको टापटिङ गाविस– ६मा भएको हो। उनी एनआरएन, पर्यटनसम्बन्धी कार्यदलका सह-सभापति हुन्।

उनी सेभेन समिट फाउन्डेसनका अध्यक्ष पनि हुन्। विगत १५ वर्षदेखि पर्यटन क्षेत्रमा सक्रिय शेर्पाले अन्तर्राष्ट्रिय शेर्पा गाइड्सको अध्यक्ष पद छन्। सन् १९८७मा पहिलो पटक १४ वर्षको उमेरमा अमेरिका पुगेका शेर्पा अहिले अमेरिकाको वासिङ्गटन राज्यको सियाटलमा स्थायी रूपले बस्दै आएका छन्।

उनले अमेरिकाकै आइल्यान्डबाट कम्प्युटर साइन्ससम्बन्धी ‘इन्फरमेसन सिस्टम’मा स्नातकोत्तर गरेका छन्। यसैगरी, उनले व्यवसाय प्रवर्द्धनसम्बन्धी चार वर्ष कोर्स पनि अमेरिकाबाटै पूरा गरेका छन्। २७ वर्ष अमेरिकामा बसिसकेका शेर्पाले विभिन्न ६४ वटा राष्ट्रमा नेपालको पर्यटन प्रवर्द्धन गर्ने काम गरिरहेका छन्।

उनले सन् २०१०मा सात महादेशका अग्ला हिमाल सबैभन्दा छोटो समय (जम्मा, चढेको दिन ४२ दिन)मा सफल आरोहण गरी विश्व-कीर्तिमान राखेका हुन्। विश्व-कीर्तिमान बनाएकै बेला सन् २०१० मे २३ का दिन 'एनआरएन'को झन्डा संसारको सर्वोच्च शिखर सगरमाथाको शिखरमा फहराउन सफल भएका थिए।

• हिँड्दा हिँड्दै^{[dead link]}