आङछिरी शेर्पा विख्यात पर्वतारोही हुन्। उनले सात महादेशका अग्ला हिमाल सबैभन्दा छोटो समय (जम्मा, चढेको दिन ४२ दिन)मा सफल आरोहण गरी विश्व-कीर्तिमान राखेका छन्।
एक अनाथ पृष्ठको रुपमा रहेको, अन्य विकिपृष्ठसित नजोडिएको वा एक-दुईवटा लेखहरूसँग मात्र जोडिएको हुनसक्छ। कृपया सम्बन्धित लेखहरूलाई यस पृष्ठ सूत्रसँग जोड्न सहायता गर्नुहोस् |
उनको जन्म सन् १९७१मा सोलुखुम्बुको टापटिङ गाविस– ६मा भएको हो। उनी एनआरएन, पर्यटनसम्बन्धी कार्यदलका सह-सभापति हुन्।
उनी सेभेन समिट फाउन्डेसनका अध्यक्ष पनि हुन्। विगत १५ वर्षदेखि पर्यटन क्षेत्रमा सक्रिय शेर्पाले अन्तर्राष्ट्रिय शेर्पा गाइड्सको अध्यक्ष पद छन्। सन् १९८७मा पहिलो पटक १४ वर्षको उमेरमा अमेरिका पुगेका शेर्पा अहिले अमेरिकाको वासिङ्गटन राज्यको सियाटलमा स्थायी रूपले बस्दै आएका छन्।
उनले अमेरिकाकै आइल्यान्डबाट कम्प्युटर साइन्ससम्बन्धी ‘इन्फरमेसन सिस्टम’मा स्नातकोत्तर गरेका छन्। यसैगरी, उनले व्यवसाय प्रवर्द्धनसम्बन्धी चार वर्ष कोर्स पनि अमेरिकाबाटै पूरा गरेका छन्। २७ वर्ष अमेरिकामा बसिसकेका शेर्पाले विभिन्न ६४ वटा राष्ट्रमा नेपालको पर्यटन प्रवर्द्धन गर्ने काम गरिरहेका छन्।
उनले सन् २०१०मा सात महादेशका अग्ला हिमाल सबैभन्दा छोटो समय (जम्मा, चढेको दिन ४२ दिन)मा सफल आरोहण गरी विश्व-कीर्तिमान राखेका हुन्। विश्व-कीर्तिमान बनाएकै बेला सन् २०१० मे २३ का दिन 'एनआरएन'को झन्डा संसारको सर्वोच्च शिखर सगरमाथाको शिखरमा फहराउन सफल भएका थिए।
This article uses material from the Wikipedia नेपाली article आङछिरी शेर्पा, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.