အန်တိုနီယို လုခစ်ခ်ျ (ယူကရိန်း: Антоніо Лукіч) သည် ယူကရိန်းရုပ်ရှင်ဒါရိုက်တာတစ်ဦးဖြစ်သည်။ ယူကရိန်းနိုင်ငံ အနောက်ပိုင်းရှိ အူဇိုရောဒ်မြို့တွင် ဖွားမြင်သည်။ အနုပညာသက်တမ်းအတွင်း ပြည်တွင်းပြည်ပ ရုပ်ရှင်ထူးချွန်ဆုများဖြင့် အောင်မြင်မှုများစွာ ရရှိထားသည်။ ၂၀၂၁ ခုနှစ် မတ်လအတွင်းက ယူကရိန်းအစိုးရက ယူကရိန်းနိုင်ငံ၏ ရုပ်ရှင်လုပ်ငန်းအတွက် ထူးခြားပြောင်မြောက်စွာ ဆောင်ရွက်ခဲ့သူများကို ချီးမြှင့်သည့် ထူးချွန်အနုပညာရှင်ဆုကို ရရှိခဲ့သည်။
အန်တိုနီယို လုခစ်ခ်ျ | |
---|---|
ဇာတိ အမည် | Антоніо Лукіч |
မွေးဖွား | ၁၉၉၂ (အသက် ၃၁–၃၂) အူဇိုရောဒ်၊ ဇာကာရ်ပတ်တီယာပြည်နယ် |
နိုင်ငံလူမျိုး | Ukrainian |
ပညာရေး | Kyiv National I. K. Karpenko-Kary Theatre, Cinema and Television University |
ထင်ရှားသည့် လုပ်ဆောင်မှု | It Was Showering In Manchester My Thoughts Are Silent |
ရရှိသည့်ဆုများ | ယူကရိန်းထူးချွန်အနုပညာရှင်ဆု |
အန်တိုနီယိုကို ၁၉၉၂ ခုနှစ်တွင် အူဇိုရောဒ်မြို့၌ ဖွားမြင်သည်။ ၂၀၁၁ မှ ၂၀၁၅ အထိ ကာရ်ပန်ကို ကာရီ ကီးယက် အမျိုးသားတက္ကသိုလ်တွင် ပညာသင်ကြားခဲ့ပြီး ရိုက်ကူးမှုပညာဘွဲ့ရရှိခဲ့သည်။
အန်တိုနီယို၏ ပထမဆုံး ရုပ်ရှင်မှာ ၂၀၁၄ က ထွက်ရှိခဲ့သည့် Fish of Lake Baikal ဖြစ်ပြီး ပါရီမြို့၌ ကျင်းပသည့် CineRail ရုပ်ရှင်ပွဲတော်တွင် အကောင်းဆုံး မှတ်တမ်းရုပ်ရှင်ဆုကို ရရှိခဲ့သည်။ ဘွဲ့ယူရန်တင်သွင်းသည့် It was showering in Manchester ရုပ်ရှင်သည်လည်း ၂၀၁၆ ခုနှစ် အိုဒဲဆာ နိုင်ငံတကာရုပ်ရှင်ပွဲတော်၌ အကောင်းဆုံးဇာတ်လမ်းတိုဆုကို ဆွတ်ခူးခဲ့သည်။ ၂၀၁၉ ခုနှစ်တွင် ပွဲဦးထွက် ရုပ်ရှင်ကြီးအဖြစ် My Thoughts Are Silent ကို ရိုက်ကူးခဲ့သည်။
This article uses material from the Wikipedia မြန်မာဘာသာ article အန်တိုနီယို လုခစ်ခ်ျ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.