နည်းပညာတက္ကသိုလ်လွိုင်ကော်
နည်းပညာတက္ကသိုလ်(လွိုင်ကော်) သည် မြန်မာနိုင်ငံ၊ ကယားပြည်နယ်၊ လွိုင်ကော်မြို့တွင် တည်ရှိသည်။ ၂၀၁၆ ခုနှစ်တွင် ISO 9001/2008 ကိုရရှိခဲ့သည်။
 | |
| ဆောင်ပုဒ် | Technology for the nation, innovation for the future တိုင်းပြည်အတွက်နည်းပညာ၊ အနာဂတ်အတွက်တီထွင်ဆန်းသစ်မှု |
|---|---|
| အမျိုးအစား | အများဆိုင် |
| တည်ထောင် | ၂၀၀၇ |
| နှီးနွယ်အဖွဲ့အစည်း | အဆင့်မြင့်သိပ္ပံနှင့် နည်းပညာဦးစီးဌာန၊ သိပ္ပံနှင့် နည်းပညာ ဝန်ကြီးဌာန |
| ပါမောက္ခချုပ် | ဒေါက်တာ ခိုင်ဇော်နိုင် |
| တည်နေရာ | လွိုင်ကော်မြို့, ကယားပြည်နယ်, မြန်မာနိုင်ငံ |
| ဝဘ်ဆိုဒ် | tuloikaw.edu.mm |
 | |
သမိုင်းကြောင်း
နည်းပညာတက္ကသိုလ်(လွိုင်ကော်)ကို ၁၉၈၂ ခုနှစ် ဇူလိုင်လ ၃၀ ရက်နေ့တွင် အစိုးရစက်မှုလက်မှုအထက်တန်း ကျောင်းအဖြစ် စတင်ဖွင့်လှစ်ခဲ့သည်။ ၁၉၉၈ ခုနှစ် ဒီဇင်ဘာလ ၁ ရက်နေ့တွင် စက်မှုလက်မှုသိပ္ပံအဖြစ် တိုးမြှင့် ဖွင့်လှစ်ခဲ့ပြီး ၂၀၀၁ ခုနှစ် စက်တင်ဘာလ ၁၀ ရက်နေ့တွင် အစိုးရနည်းပညာကောလိပ်အဖြစ်လည်းကောင်း၊ ၂၀၀၇ ခုနှစ် ဇန်နဝါရီလ ၂၀ ရက်နေ့တွင် နည်းပညာတက္ကသိုလ် အဆင့်သို့လည်းကောင်း တိုးမြှင့်ဖွင့်လှစ်ခဲ့သည်။
တည်နေရာနှင့်အကျယ်အဝန်း
ကယားပြည်နယ်၊ လွိုင်ကော်မြို့နယ်၊ ပန်ကန်းကျေးရွာ အုပ်စု ကွင်းအမှတ် (၂၆၀)၊ ရွာတန်းရှည်ကျေးရွာ အရှေ့ဘက် တွင် တည်ရှိသည်။ အကျယ်အဝန်းအားဖြင့် (၈၇.၄၆)ဧက ရှိသည်။
ရည်ရွယ်ချက် နှင့်တာဝန်
ရည်ရွယ်ချက်မှာ နိုင်ငံတကာအဆင့်မှီ အရည်အသွေးပြည့်ဝသော အင်ဂျင်နီယာပညာရှင် လူတော်လူကောင်းများကို ဒေသလိုအပ်ချက်နှင့်အညီ ပြုစုမွေးထုတ်ပေးရန်နှင့် နိုင်ငံတကာအသိအမှတ်ပြုတက္ကသိုလ်တစ်ခုဖြစ်လာစေရန် ရည်ရွယ်သည်။
တက္ကသိုလ်၏လုပ်ငန်းတာဝန်များမှာ ဒေသတွင်းနှင့် ကမ္ဘာလုံးဆိုင်ရာ ဈေးကွက်လိုအပ်ချက်နှင့် စိန်ခေါ်မှုများကို ဖြည့်ဆည်းပေးနိုင်သည့် အရည်အချင်းပြည့်ဝသော အင်ဂျင်နီယာပညာရှင်များ မွေးထုတ်ပြီး လူ့စွမ်းအား အရင်းအမြစ် ဖွံ့ဖြိုးတိုးတက်မှုကို အထောက်အကူပြုစေရန်၊ ဒေသတွင်း အင်ဂျင်နီယာပညာရပ်များသင်ယူနိုင်ခွင့် အခွင့်အလမ်းများ တိုးတက်ရရှိလာခြင်းဖြင့် လူငယ်လူရွယ်များ၏ အသက်မွေးဝမ်းကျောင်းမှုဆိုင်ရာ အခွင့်အလမ်း ပိုမိုမြင့်မားလာပြီး ဒေသတွင်းဖွံ့ဖြိုးတိုးတက်မှုကို အထောက်အကူ ပြုစေရန် ဖြစ်သည်။
သင်ကြားရေးဌာနများ
- မြို့ပြအင်ဂျင်နီယာဌာန
- အီလက်ထရွန်းနစ်နှင့် ဆက်သွယ်ရေးအင်ဂျင်နီယာဌာန
- လျှပ်စစ်စွမ်းအားအင်ဂျင်နီယာဌာန
- စက်မှုစွမ်းအားအင်ဂျင်နီယာဌာန
ဘာသာရပ်များ
| သင်တန်း | ဘွဲ့ဒီဂရီ | သင်တန်းကာလ |
|---|---|---|
| မြို့ပြအင်ဂျင်နီယာဘွဲ့ | B.E. (Civil) | ၅ နှစ် |
| အီလက်ထရွန်းနစ်နှင့် ဆက်သွယ်ရေးအင်ဂျင်နီယာဘွဲ့ | B.E. (EC) | ၅ နှစ် |
| လျှပ်စစ်စွမ်းအားအင်ဂျင်နီယာဘွဲ့ | B.E. (EP) | ၅ နှစ် |
| စက်မှုအင်ဂျင်နီယာဘွဲ့ | B.E. (MP) | ၅ နှစ် |
| သင်တန်း | ဘွဲ့ဒီဂရီ | သင်တန်းကာလ |
|---|---|---|
| မြို့ပြအင်ဂျင်နီယာဒီပလိုမာ | A.G.T.I. (Civil) | ၃ နှစ် |
| အီလက်ထရွန်းနစ်နှင့် ဆက်သွယ်ရေးအင်ဂျင်နီယာဒီပလိုမာ | A.G.T.I. (EC) | ၃ နှစ် |
| လျှပ်စစ်စွမ်းအားအင်ဂျင်နီယာဒီပလိုမာ | A.G.T.I. (EP) | ၃ နှစ် |
| စက်မှုအင်ဂျင်နီယာဒီပလိုမာ | A.G.T.I. (MP) | ၃ နှစ် |
| သင်တန်း | ဘွဲ့ဒီဂရီ | သင်တန်းကာလ |
|---|---|---|
| နည်းပညာဘွဲ့ (မြို့ပြ) | B-tech (Civil) | ၅ နှစ် |
| နည်းပညာဘွဲ့ (အီလက်ထရွန်းနစ်နှင့် ဆက်သွယ်ရေးနည်းပညာ) | B-tech (EC) | ၅ နှစ် |
| နည်းပညာဘွဲ့ (လျှပ်စစ်စွမ်းအား) | B-tech (EP) | ၅ နှစ် |
| နည်းပညာဘွဲ့ (စက်မှုစွမ်းအား) | B-tech (MP) | ၅ နှစ် |
ကိုးကား
ပြင်ပလင့်ခ်များ
 | ဤ မြန်မာနိုင်ငံရှိ တက္ကသိုလ်၊ ကောလိပ်အကြောင်း ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |
This article uses material from the Wikipedia မြန်မာဘာသာ article နည်းပညာတက္ကသိုလ်(လွိုင်ကော်), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.