अण्वस्त्र
अण्विक (केंद्रकीय) विखंडन किंवा संमीलनातून उत्पन्न होणाऱ्या ऊर्जेचा वापर करून बनविलेल्या शस्त्रास अण्वस्त्र म्हणतात.
दोन्हीही प्रकारच्या क्रियांमुळे अतिशय कमी मूलपदार्थांपासून प्रचंड प्रमाणात उर्जा बाहेर पडते. पहिल्या विखंडन प्रकारच्या अण्वस्त्र चाचणीमधून अंदाजे २०,००० टन टी.एन.टी. च्या (इंग्लिश: TNT) स्फोटाइतकी उर्जा बाहेर पडली होती आणि पहिल्या औष्णिक अणुकेंद्रीयशस्त्रचाचणीमधून अंदाजे १,००,००० टन टी.एन.टी. च्या स्फोटाइतकी उर्जा बाहेर पडली होती.
अंदाजे १,१०० कि.ग्रॅ. वजन असलेल्या आधुनिक औष्णिक अणुकेंद्रीय शस्त्राची विस्फोटक शक्ती ही जवळपास १२,००,००० (बारा लाख) टन टी.एन.टी. च्या स्फोटाइतकी असते. याचा अर्थ, एखाद्या सर्वसाधारण बॉंबएवढा आकार असलेले अण्वस्त्रसुद्धा एखाद्या लहान शहराला आग व किरणोत्सर्गाने उद्धवस्त करू शकते. अण्वस्त्रांना मोठ्या प्रमाणातील विध्वंसक शस्त्र असे समजले जाते आणि त्यांचा शोध लागल्यापासून त्यांचा वापर व नियमन हे मुद्दे आंतरराष्ट्रीय धोरणाचे केंद्रबिंदू राहिले आहेत.
पारिभाषिक शब्दसूची
संदर्भ
This article uses material from the Wikipedia मराठी article अण्वस्त्र, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). इतर काही नोंद केली नसल्यास,येथील मजकूर CC BY-SA 4.0च्या अंतर्गत उपलब्ध आहे. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मराठी (DUHOCTRUNGQUOC.VN) is an independent company and has no affiliation with Wiki Foundation.