Mboka oipurúva tumingue'a mbaretekue térã mboka atómiko ha'e umi mba'e okapúva oipurúvo mbaretekue oúva átomo mbytégui, oparupi omombo okapúvo mbaretekue tuichaitéva ha ohundipaite ijerekuévo.
Mboka ko'ãichagua ikatu ohundipa peteĩ tavaguasu ha ojuka hetave tavayguakuéra apytépe. Avei ojapo hikuái "ama atómiko", randipytu mba'e (radioactivo) yvágagui ho'áva ikatu oporombohasýva. Ko'ãva hína umi mboka ombyaivéva yvypóra ojapova'ekue.
Umi mboka oipurúva tumingue'a mbaretekue ypykuéva ojapo Amérika Retãvorekuéra Joaju oiko aja Ñorairõ Guasu Mokõiha. Ojeporu mokõi mboka okapúva oñerairõ hag̃ua umi táva oĩva Hapõme, Hirochíma ha Nagasáki, ojekapupáva ha oñehundipáva. Umíva añoite ojepuru umi mboka ko'ãichagua ñorairõguasúpe. Mbovymi tetãnte oguereko ko'ãichagua mboka térã oñeimo'ã ohekaha. Umi tetã añoite ojekuaáva ombokapu hague mboka oipurúva tumingue'a mbaretekue ha he'íva oguerekoha ha'e (peteĩha jey guive tetã oñeha'ã hague): Tetãvorekuéra Joaju, Joaty Soviétiko (oñemotenonde Rrúsia rupive), Tavetã Joaju, Hyãsia, Chína Tetarã Retã, Índia, Pakitã ha Yvate Koréa.
This article uses material from the Wikipedia Avañe'ẽ article Mboka oipurúva tumingue'a mbaretekue, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.