Poreno (jopyhy) oiko tenondeitépe, iñambuekatúva avei, oñemoingévo tembo takópe taha'e ha'éve oñembovy'a jopyhýpe hag̃ua térã kuimba'e ha kuña omoñemoña ha omomemby hag̃ua, ojeipuru ave ko ñe'ẽ jopyhy oje'esévo oñemoingéramo tembo tapicha ambuéva tevikuápe térã jurúpe.
Poreno omombarete yvypóra jokuaa hete rupive, mokõi tapicha térã hetave ojuehe, ha tenondépe yvypóra oiporeno oñembovy'a ha oñeñandu porãve hag̃ua.
Mba'asy opaichagua ikatu oñemosarambi oiko rire poreno ñeñangareko'ỹre, poreno ñeñangarekóre, ojeipurúvo kuimba'e térã kuña mombaryryru, ikatu ohapejoko mba'asy oñemosarambíva poreno rupive, hetaite tembiaporape térã mba'ejepuru oĩ ani hag̃ua oñemosarambi mba'asy térã oñepyrũ tyeguasu, hákatu oĩ tapichakuéra omboapýrava térã omokangýva porenogua tekombo'e ha memby'ỹrã jepuru oimo'ãre oĩ vaiha tekoporã, tupã jeroviaha térã tetã jokuairapépe g̃uarã Ojeikuaaporã oĩrõ porenogua tekombo'e ha memby'ỹrã ikatúva ojeipuru, oguejy tyeguasu ojeipota'ỹva umi mitãkuñarusu apytépe ha mba'asy oñemosarambíva poreno rupive.
Avano'õnguéra oikuaa poreno ha'eha mba'e hekopegua ha oñekotevẽva yvypóra omomemby hag̃ua, hákatu ñavõ avano'õ iñarandupýre oikuaa mba'épa ivai ha mba'épa iporã porenóme, oikóramo mokõi (térã hetave) tapicháre ojohayhúva ha ojoipotáva, ha ikatúmava oiporavokuaa mba'épa oipota, oje'e poreno iporãha, oikóramo tapicháre noiporenoséiva térã jehayhu'ỹ, térã tapichakuéra ne'ĩra oiporavokuaa, taha'e ha'éva imitãitérõ térã ikatupyry ambuéva, oje'e ivaiha. Oikóramo poreno ivaiha, tapicha ambuéva noiporenoséivo, ojehero poreno rairõme, ha heta tetãme oñemoĩ ka'irãme umíva orairõ tapicha ambuéva, ojeikuaágui ivaieteha. Amove 90% umívagui oñerairõ hese ha'e kuña, 99% umívagui orairõ ha'e kuimba'e, ha amónte 5% umívagui orairõva ndaha'éi tapicha ohasa asýva ijekuaáva.
This article uses material from the Wikipedia Avañe'ẽ article Poreno, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.