Alfred Joseph Hitchcock (Lóndyre, 13 jasypoapy 1899-Los Ángeles, 29 jasyrundy 1980) ha'e akue peteĩ ta'angamýi motenondehára, apohára ha taiky haihára Tavetã Joaju pegua.
Omboypy va'ekue heta aporeko omopyendáva ta'angamýi rechaukapy ha'éva ñemopy'andýi ha ñemopy'andýi apytu'ũ rehegua. Hitchcock ova Hollywood-pe 1939 jave, omba'apoporãite rire Tavetã Joajúpe heta ta'angamýi iñe'ẽngúvape ha umi ta'angamýi hyapúva ñepyrũme, upévare upe aja ojekuaa chupe ta'angamýi motenondehára ikatupyryvéva Ingyatérra pegua,
Alfred Hitchcock | ||
---|---|---|
Mba'érepa omano | insuficiencia renal | |
Hetã | Tavetã Joaju Tetãvore Joapykuéra (1955 guive) | |
Alma máter | Universidad de Londres, Tower Hamlets College y Salesian College | |
Hembiapo | Ta'angamýi motenondehára. | |
Años | 1919-1980 | |
Jokuaikuaa rape | Katóliko | |
Omendáva | Alma Reville | |
Taýra | Patricia Hitchcock | |
Itúva ha isy | William Hitchcock Emma Jane Whelan | |
Jopói | Brunelleschi Lifetime Achievement Award, Caballero de la Orden Nacional de la Legión de Honor, Comendador de la Orden del Imperio británico, BAFTA Academy Fellowship Award, Premio Edgar, oficial de la Orden de las Artes y las Letras, Premio Globo de Oro, Anexo:Premio Concha de Plata a la mejor dirección, Premios Saturn, Premio Cecil B. DeMille, Premio en memoria de Irving Thalberg y Estrella del Paseo de la Fama de Hollywood | |
Firma | ||
[editar datos en Wikidata] |
Omba'apokuévo amove 50 ary pukukue aja, Hitchcock ojapo ta'angamýi reko ipyahu ikatúva jahecha ha jaikuaa imba'e teeha hína. Umi mba'e ipyahúva apytépe jareko oipuruháicha pe kámara ojapo gua'u pe ñoha'ãngahára oma'ẽva, upéicha pe ohecháva ta'angamýi oñeñandu omañaháicha, omohendaháicha umi ta'anga oporombopy'apy, oporomongyhyje ha oporoñanduka hag̃ua, ha ombojo'a porãicha umi ta'angamýi vorekue. Mombe'ukuéra oĩva umi ha'angamýipe py'ỹinte ohechauka tapicha okañýva tahachígui ha umi kuña ñoha'ãngahára kuña jepivénte iñakãrague sa'yju. Heta ta'angamýi ha'e ojapo va'ekue iñambuepa omombe'úvo hembiasa oporombojurujái hag̃ua (mombe'ujere), ha omombe'u mba'e ombopy'angatáva ha'éva ñerairõ, jeporojuka ha angaipa. Py'ỹinte umi mba'e herungua omboguatáva pe ñemombe'u ha'énte marãverã (Hitchcock ombohéra Macguffin), umíva niko omboguata pe mba'e oñemombe'úva hákatu naimba'eguasúi pe tembiasa rekopýpe guarã. Hitchcock ra'angamyikuéra omombe'u jepi avei andureko resa'ỹijo rehegua ha ohechaukavy mba'e poreno rehegua. Ojapoitégui kaméo ha'angamyikuérape, ñe'ẽjovake, ha'angamyikuéra rerakuã ñemotenonde ha hembiapo télepe guarã Alfred Hitchcock Presents, oiko chugui peteĩ íkono ta'angamýi apópe.
Hitchcock omotenonde hetave 50 ta'angamýi 60 ary pukukuévo. Ojekuaa jepi ichupe ta'angamýi apohára ikatupyryvéva Tavetã Joaju pegua; ary 2007 jave pe kuatiañe'ẽ The Daily Telegraph ojapo ñeporandu umi ta'angamýi hesa'ỹijohára apytépe ha oikuaauka Hitchcock ha'eha pe ikatupyryvéva. Pe kuatiañe'ẽ ohai chugui: «Ta'angamýi apohára ituichavéva katuete hína heñóiva ko'ã ypa'ũnguérape, Hitchcock ojapove oimeraẽ ta'angamýi motenondehára ambuévagui omopyenda hag̃ua ta'angamýi javegua, hese'ỹ iñambuepaitéta kuri». Kuatiañe'ẽ MovieMaker he'i chugui ha'eha pe ta'angamýi motenondehára ipokatuvéva opaite ára rehegua ha ojehecha ichupe peteĩ umi tembiapoporã apohára imba'eguasuvéva ta'angamýi apópe.
This article uses material from the Wikipedia Avañe'ẽ article Alfred Hitchcock, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Kuatia retepy ojeguereko CC BY-SA 4.0 guýpe, ndaha'éiramo oje'éva ambue mba'e. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Avañe'ẽ (DUHOCTRUNGQUOC.VN) is an independent company and has no affiliation with Wiki Foundation.