Робин Уильямс
Робин Маклорин Уильямс (Англи: Robin McLaurin Williams, 1951 оны долдугаар сарын 21, Иллиной, Чикаго — 2014 оны наймдугаар сарын 11, Калифорни, Тибурон) — Америкийн жүжигчин, зохиолч, продюсер байв.
Тэрээр Сан-Франциско болон Лос-Анжелес хотоос 1970-аад дунд үед хошин урлагийн стенд-ап комеди төрлөөр урлагийн гараагаа эхэлж, «Морк, Минди хоёр» (1978—82) инээдмийн цувралаас дэлгэцнээ танигдах болжээ. «Попай» (1980) инээдмийн мюзикл түүний тоглосон анхны бүрэн хэмжээний кино ба «Өглөөний мэнд, Вьетнам» (1987), «Кадиллактай хүн» (1990), «Сэхээрэл» (1990), «Ахмад дэгээ» (1991), «Хатагтай Даутфайр» (1993), «Жуманжи» (1995), «Ухаалаг Уилл Хантинг» (1997) зэрэг инээдээр утга уянга хайрласан олон бүтээлд чадварлаг тоглож, «Ухаалаг Уилл Хантинг» кинонд бүтээсэн сэтгэл судлаач Шон Магуайрын туслах дүрээр «Оскарыг» гардсан түүхтэй. Охин Зельда Уильямс жүжигчин.
| Робин Уильямс Robin Williams | ||
.jpg) Робин Уильямс 2011 онд | ||
| Бүтэн нэр | Робин Маклорин Уильямс | |
| Иргэншил |  Америкийн Нэгдсэн Улс | |
| Төрсөн огноо | 1951 оны 7 сарын 21 | |
| Төрсөн газар | Чикаго, Иллиной, Америкийн Нэгдсэн Улс | |
| Нас нөгчсөн | 2014 оны 8 сарын 11 | |
| Нас барсан газар | Тибурон, Калифорни, Америкийн Нэгдсэн Улс | |
| Танил үе | 1972—2014 | |
| Мэргэжлийн замнал | ||
|---|---|---|
| Мэргэжил | жүжигчин | |
| Гавьяа шагнал | «Оскар» (1998) «Алтан бөмбөрцөг» (1979, 1988, 1992, 1994, 2005) «Эмми» (1987, 1988) | |
Уильямс 2014 оны наймдугаар сарын 11-нд сэтгэл гутралын байдлаасаа шалтгаалан амиа егүүтгэжээ.
Амьдрал
Робин Маклорин Уильямс нь 1951 онд Иллиной мужийн Чикаго хотын Гэгээн Люкийн эмнэлэгт төржээ. Түүний аав Роберт Фицжеральд Уильямс нь Фордын Lincoln Motor компанид ахлах гүйцэтгэх захирал хийдэг байв. Харин түүний ээж Лори МакЛорин нь Миссиссипи мужийн Жэксон хотын загвар өмсөгч байсан бөгөөд өвөг эцэг Ансельм Ж.МакЛорин нь Миссиссипи мужийн амбан захирагч ба сенат, Ардчилсан намын гишүүн байв. Робин Уильямс эх нэгтэй, эцэг нэгтэй хоёр ахтай юм. Уильямс нь Лэйк Форест хотын Гортон улсын бага сургууль, Дийр Пат дунд сургуульд сурч байжээ.
1973 онд Жульярдын театрын сургуульд элсэн суралцаж, 1976 онд төгсөөд шөнийн клубүүдээр ганцаарчилсан тоглолт хийдэг байжээ.
1974 оноос телевизийн олон ангит "Жаргалтай өдрүүд" кинонд дүр бүтээх болсон байна.
Цахим холбоос
Commons: Робин Уильямс – Викимедиа зураг, бичлэг, дууны сан- Цахим хуудас
- Робин Уильямс — Internet Movie Database
- Робин Уильямс (англ.) — Internet Broadway Database
Лавлах холбоос
This article uses material from the Wikipedia Монгол article Робин Уильямс, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.