Крымын хойг (Украин хэл: Крим, Орос: Крым) нь Хар тэнгисийн хойд эрэгт орших, Украинд харьяалагдах хойг юм.
Эрт цагт Таурика (Taurica) гэж нэрлэгддэг байв.
Крымын хойг нь 5-8км өргөнтэй зурвасаар Евразийн эх газартай холбогддог. Хойд өргөргийн 44 хэм 23 минутаас 44 хэм 23 минутын хооронд (322км), дорнод уртрагийн 32 хэм 30 минутаас 32 хэм 30 минутын хооронд (177км) 26,100 км2 орчим талбайг эзлэн оршино.
Эргийн хэсэг нь усанд идэгдсэн, гүн хавцал ихтэй.
Зүүн өмнөд эргийн дагуу Яйлагийн уулс (Yaila-Dagh) сунан тогтсон. Нийт нутгийн 75% нь тал хээр нутаг бөгөөд эртний скифүүдийн булш, дурсгал элбэг байдаг.
Крымын хойгийг эзлэн Украин улсын Бүгд Найрамдах Өөртөө Засах Крым Улс оршин байна.
Украин улсад харьяалагддаг тус хойгт оросууд хүн амын ихэнх хэсгийг эзлэнэ. Мөн украин, крымын татарууд оршин суудаг.
Орос, Украинчууд тус хойг 1783 онд Оросын харьяанд орсноос хойш шилжин суурьшиж эхэлсэн бөгөөд тэдний ихэнх нь Дэлхийн хоёрдугаар дайны дараа нүүн иржээ. Крымын татарууд 13-р зуунаас амьдарч байгаа юм.
This article uses material from the Wikipedia Монгол article Крымын хойг, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.