Жонс Хопкинс Их Сургууль
Жонс Хопкинсийн Их Сургууль (Англи: Johns Hopkins University) - АНУ-ын Мэрилэнд мужийн Балтимор хотод Жонс Хопкинсийн үүсгэн байгуулсан хувийн судалгааны их сургууль юм.
Их сургуулийн салбарууд мөн БНХАУ-ын Нанжин, Италийн Болонья хотод байрладаг.
2013 онд Дэлхийн Их сургуулиудын Академик (Шанхайн эрэмбэ гэж мөн нэрлэдэг) эрэмбээр 17 дугаар байр, "Times"-ын (Times Higher Education World University Rankings) эрэмбээр 15 дугаарт орсон байна.
Тус их сургуульд үе үеийн 36 Нобелийн шагналтнууд шинжлэх ухааны судалгааны үйл ажиллагаа явуулж байжээ. Хопкинсын их сургууль нь дэлхийн хамгийн их иш татсан их сургуулийн нэг юм.
1876 оны 2 дугаар сарын 22-нд АНУ байгуулагдсаны 100 жилийн ой, АНУ-ын анхны ерөнхийлөгч Жорж Вашингтоны төрсөн өдрийг тохиолдуулан тус Их сргуулийн нээлт болсон байна. Их сургуулийн анхны ерөнхийлөгч Гилман тангараг өргөхдөө хэлсэн үгэндээ нэр хүндтэй эрдэмтдэд судалгаа хийж, тусламж үзүүлэхийг чухалчилах болох тухай хэлжээ. Түүхийнхээ туршид их сургууль энэ хандлагыг байнга баримталж ирсэн.
Сургуулийн бүтэц
Их сургууль нь найман сургууль, Пибоди консерватори, Хэрэглээний физикийн лаборатори зэрэг таван кампустай. Балтиморт гурван их сургуулийн кампус байдаг. Хотын хойд хэсэгт байрлах "Home wood" кампус нь Кригерийн урлаг, шинжлэх ухааны сургууль, инженер, багш бэлтгэх сургуультай. Зүүн Балтиморын кампус нь Анагаах ухаан, Сувилахуйн сургууль, Нийгмийн эрүүл мэнд, Нийгмийн эрүүл мэндийн сургууль, Жонс Хопкинс эмнэлэгтэй. Балтиморын төв хэсэгт 1977 онд их сургуульд нэгдсэн Пибоди бизнесийн сургууль, консерватори байрладаг байна. Вашингтон хотод олон улсын харилцаа, дэлхийн эдийн засаг, дипломат харилцаа, улс төрийн чиглэлээр төгсөгчдийг бэлтгэдэг дэлхийд тэргүүлэгч сургуулиудын нэг болох Пол Нитцегийн нэрэмжит олон улсын судлалын гүнзийрүүлсэн сургалттай сургууль байрладаг байна.
Их сургуулийн ерөнхийлөгч нар
- Даниэль Гилмен (1875-1901)
- Айре Ремсен (1901-1913)
- Франк Гуднау (1914-1929)
- Жозеф Эймс (1929-1935)
- Исайя Боумен (1935-1948)
- Детлев Бронк (1949-1953)
- Ловелл Рид (1953-1956)
- Милтон Эйзенхауэр (1956-1967)
- Линкольн Гордон (1967-1971)
- Милтон Эйзенхауэр (1971-1972)
- Стивен Мюллер (1972-1990)
- Уильям Ричардсон (1990-1995)
- Даниэль Натанс (1995-1996)
- Уильям Броуди (1996-2009)
- Роналд Даниэлс (Ronald J. Daniels-2009 оны 3 дугаар сараас өнөөг хүртэл)
Цахим холбоос
Commons: Жонс Хопкинс Их Сургууль – Викимедиа зураг, бичлэг, дууны сан- Их сургуулийн албан ёсны цахим хуудас ( (англ.))
This article uses material from the Wikipedia Монгол article Жонс Хопкинс Их Сургууль, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.