Ах дүү Райт, Орвилл (1871-8-19 – 1948-1-30) болон Уилбер (1867-4-16 – 1912-5-30), нарын Америкчууд 1903 оны арванхоёдугаар сарын 17-ны өдөр хүн төрөлхтний түүхэнд нисэх онгоцыг анх зохион бүтээсэн гавъяатнууд юм.
1905 оны зургаадугаар сарын 23-нд бүтээсэн нисэх төхөөрөмжөөрөө нисч туршилт нь амжилттай болж байсан түүхтэй.
Орвилл Райт | |
---|---|
Ажил | хэвлэлийн үйлдвэрийн эзэн, унадаг дугуй үйлдвэрлэгч, нисэх онгоцны загвар зохион бүтээгч, онгоцны зааварлагч-туршигч |
Эхнэр (нөхөр) | Байгаагүй |
Эцэг эх | эцэг: Милтон Райт эх: Сьюзен Кэтрин Коернер |
Гарын үсэг |
Ах дүү Райт нар Рейхлин (1861—1920), Лорин (1862—1939), Уилбер Райт(1867-1912), Орвилл Райт(1871-1948), ихэр Отис ба Ида (1870, нярайдаа эндсэн), Катрина (1874—1929), нарын долоон хүүхэдтэй Милтон Райт(1828-1917), Сьюзен Кэтрин Коернер(1831-1889) нарын хүүхдүүд болон мэндэлжээ. Эцэг Райт нь Индиана Хантингтон хотын Христийн сүмийн хамба болох жил нь эхнэр нас барж, таван хүүхэдтэйгээ үлджээ. Энэ үед Орвилл хэвлэх үйлдвэрийн ажил эрхлэхээр дээд сургуулиасаа дундаас нь орхин гарсан бөгөөд ах Уилбертайгаа хамтран удалгүй хэвлэх үйлдвэр байгуулсан байна.
1892 оноос ах дүү хоёр унадаг дугуй засвар, худалдах үйлчилгээ эрхлэх компани байгуулан, дэлгүүр нээн ажиллуулдаг болов. Тэр хоёрын туйлын хүсэл зорилго нь нисэх төхөөрөмж бүтээх байлаа. Бага ахуйд нь аав нь нисдэг тэрэгний загвар бүхий тоглоом авч өгсөн нь агаарт нисэх хүсэл зоригийг бадамлуулж өгсөн ба бизнесийн үйл хэрэг нь тогтворжиж амжилттай болсон 1890 оны дунд үеээс эхлэн Леонардо да Винчи, Отто Лилиентал, Жорж Кэйли, Октава Шанюта нарын агаарын нисэх төхөөрөмжүүдийн загвар зургуудийг судлан нисдэг төхөөрөмж бүтээхэд бүхий л боломж бололцоогоо дайчлах болсон байна.
Он | Далавчны урт | Далавчны талбай | Хөвч | Харьцаа | Урт | Жин |
---|---|---|---|---|---|---|
1900 | 5.33 м | 15 м2 | 2 м | 3.5:1 | 3.51 м | 24 кг |
1901 | 7 м | 27 м2 | 2.1 м | 3:1 | 3.51 м | 44 кг |
1902 | 9.78 м | 28 м2 | 1.5 м | 6.5:1 | 5.2 м | 51 кг |
1903 оны арванхоёрдугаар сарын 17-ны өдөр Хойд Каролин мужийн Китти-Хоук хотоос холгүйхэн(10.3 км) ах дүү Райт нар 1902 онд бүтээсэн далавчны урт нь 9.8, нийт талбай нь 28.3 м2, их биеийн урт 4.9 м, цэвэр жин 53 кг бүхий моторгүй хөнгөн нисэх онгоцныхоо загвар дээр үндэслэсэн онгоцоо дөрвөн удаагийн оролдлогоор туршиж 20-р зууны түүхэн үйл хэргийг бүтээсэн билээ. Эхний оролдлогын үеэр салхины хурд ихэссэн буюу 9 м/с байсан тул төхөөрөмж нь 12 секунд нисэж 36.5 метр замыг туулаад газардсан байна. Тэдний дөрөв дэх оролдлого амжилттай болон 59 секундэд 260 метр зам туулан анхны нисэх онгоц бүтээгдсэн түүхтэй.
Уилбер хэзээ ч гэрлэж байгаагүй. Тэр нэгэнтээ "эхнэр, онгоцтой болохгүй байх аа" гэж хэлж байсан гэдэг." 1912 оны тавдугаар сарын 30-нд гэдэсний хижиг өвчнөөр таалал төгсчээ.
1909 оны арваннэгдүгээр сарын 22-нд ах дүү Райт нарын байгуулсан «Райт Компани (Англи: Wright Company)»-аа Уилбергийг нас барсаны дараа удирдаж байгаад 1915 онд компаниа зарж Нью-Йоркоос эцэг, дүүгийнхээ хамтаар Охайо мужийн Оквуд хотын Хауторн Хилл дэх гэр рүүгээ нүүсэн байна. 1918 онд «1911 Загвар Б» хэмээх онгоцны загварыг бүтээгээд түүнээс хойш дахин нисэх онгоц бүтээгээгүй ажээ. Нисэх хүчний олон байгууллагуудад олон жил ажиллаж байгаад 1948 оны нэгдүгээр сарын 30-нд насан эцэслэжээ. Түүний амьдралын сүүлийн жилүүдэд тийрэлтэт хөдөлгүүр, дуунаас хурдан онгоцны түүхэн хөгжил эхэлсэн байсан билээ.
This article uses material from the Wikipedia Монгол article Ах дүү Райт, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.