നക്ഷത്രം കാഞ്ഞിരം

ഗ്രീക്ക് ഭാഷയിൽ അപ്സിന്തിയോൺ (αψίνθιον) അല്ലെങ്കിൽ അപ്സിന്തോസ് (άψινθος) എന്നാണ് ഇതറിയപ്പെടുന്നത്.

ലാ'അനാഹ് (לענה) എന്ന ഹെബ്രായപദത്തിന്റെ പരിഭാഷയായി കാഞ്ഞിരം എന്ന വാക്ക് പഴയനിയമത്തിൽ പലയിടത്തായി പ്രത്യക്ഷപ്പെടുന്നുണ്ടെങ്കിലും എന്തിന്റെയെങ്കിലും നാമരൂപമായി ഈ വാക്കിന്റെ വ്യക്തമായ പ്രയോഗം പുതിയനിയമത്തിലെ വെളിപാടു പുസ്തകത്തിൽ മാത്രമാണ്: "മൂന്നാമത്തെ ദൂതൻ ഊതി; അപ്പോൾ ദീപം പോലെ ജ്വലിക്കുന്ന ഒരു മഹാ നക്ഷത്രം ആകാശത്തുനിന്നു വീണു; നദികളിൽ മൂന്നിലൊന്നിന്മേലും നീരുറവുകളിന്മേലും ആയിരുന്നു വീണതു. ആ നക്ഷത്രത്തിന്നു കാഞ്ഞിരം എന്നു പേർ; വെള്ളത്തിൽ മൂന്നിലൊന്നു കാഞ്ഞിരംപോലെ ആയി; വെള്ളം കൈപ്പായതിനാൽ മനുഷ്യരിൽ പലരും മരിച്ചുപോയി." (വെളിപാട് 8:10-11)