കരിച്ചു കൃഷിയിറക്കൽ ഒരു കൃഷി സമ്പ്രദായമാണ്. ഒരു വന പ്രദേശത്തെ വൻമരങ്ങൾ എല്ലാം മുറിച്ചുമാറ്റി മറ്റുള്ളവയെല്ലാം കത്തിച്ചശേഷം കൃഷിയിറക്കുന്ന മാറ്റകൃഷി രീതിയാണിത്. ജീവനോപാധിക്കുവേണ്ടി നടത്തുന്ന കൃഷിയിൽ ഉപയോഗിക്കുന്ന ഒരു ചെറിയ സാങ്കേതിക രീതിയാണിത്. കന്നുകാലികളുടെ കൂട്ടങ്ങളുമായി നടക്കുന്ന ചില നാടോടികൾ മാറ്റകൃഷി (ആമസോൺ മഴക്കാടുകളിൽ ഇത് കാണാം) നടത്താൻ വേണ്ടി കരിച്ചു കൃഷിയിറക്കൽ രീതി ഉപയോഗിക്കുന്നു.
ലോകത്തെമ്പാടുമുള്ള 200–500 ദശലക്ഷം ജനങ്ങൾ കരിച്ചു കൃഷിയിറക്കൽ രീതി ഉപയോഗിക്കുന്നുണ്ട്. 2004-ൽ 500,000 ചെറുകർഷകർ ബ്രസീലിൽ മാത്രം ഓരോ വർഷവും ഒരു ഹെക്ടർ വനപ്രദേശം കരിച്ചു കൃഷിയിറക്കൽ നടത്തിവരുന്നതായി കണക്കാക്കുന്നു. വലിയ ഒരു കൂട്ടം ജനങ്ങൾക്ക് ജീവനോപാധിയായി ഉപയോഗിക്കുന്ന കൃഷിയിൽ ഈ സാങ്കേതികരീതി നടപ്പിലാക്കാൻ സാധിക്കില്ല. ഇങ്ങനെയുള്ള അവസരങ്ങളിൽ നൈട്രജൻ ഫിക്സേഷൻ നടത്തുന്ന ഇൻഗ മരങ്ങളെ വിളകൾക്കിടയിലായി വളർത്തുന്നു. ഇത് മണ്ണിൽ വളക്കൂറ് കുറയുന്നത് തടയുന്നു.
ലോകത്ത് ഉടനീളം വൻമരമുള്ള പ്രദേശങ്ങളും, പുൽപ്രദേശങ്ങളും കരിച്ചു കൃഷിയിറക്കൽ കൃഷിരീതി നടപ്പിലാക്കി വരുന്നുണ്ട്. കാർഷിക വിപ്ലവകാലത്ത് ജനങ്ങൾ ഭക്ഷ്യലഭ്യതയനുസരിച്ച് കന്നുകാലികളെ വളർത്തിയും കൃഷിചെയ്തും സമൂഹമായി ഒരിടത്ത് സ്ഥിരമായി വാസസ്ഥലമുറപ്പിച്ചിരുന്നു. ഒരു ഹെക്ടർ സ്ഥലത്ത് നിന്ന് കൂടുതൽ പോഷകാഹാരം ലഭ്യമാകാൻ ഇത് സഹായിച്ചിരുന്നു. ഈജിപ്തിലെയും മെസോപൊട്ടാമിയയിലെയും നദീതടസംസ്കാരത്തിലാണ് ഇത് സംഭവിച്ചിരുന്നത്. ഇതിനാൽ ജനസംഖ്യ വർദ്ധിക്കുന്നതനുസരിച്ച് വേട്ടയാടപ്പെട്ടുകിട്ടുന്ന മൃഗങ്ങളുടെ അളവു കുറയുകയും കൃഷിയിലൂടെ ലഭിക്കുന്ന ഭക്ഷ്യലഭ്യത കുറയുകയും ഭക്ഷ്യദൗർലഭ്യം അനുഭവപ്പെടാനും ഇത് കാരണമായി. അതിനാൽ കൃഷി കൂടുതൽ പ്രാധാന്യമായി തീർന്നു. കുറച്ച് ജനങ്ങൾ വളരെ എളുപ്പത്തിൽ വിളകൾ തുറന്ന വയൽപ്രദേശങ്ങളിൽ കൃഷി ചെയ്തു. മറ്റു ചിലർ വനപ്രദേശം അവരുടെ കൃഷി ചെയ്യുന്ന ഭൂപ്രദേശമാക്കി മാറ്റി.
ഈ അവസരത്തിൽ മൃഗങ്ങളുടെയും സസ്യങ്ങളുടെയും കൃഷിയ്ക്കനുയോജ്യമായ ഭൂപ്രദേശമാക്കി മാറ്റാൻ കരിച്ചു കൃഷിയിറക്കൽ രീതി ജനങ്ങൾ നടപ്പിലാക്കാൻ തുടങ്ങി. നിയോലിത്തിക് കാലഘട്ടം മുതൽ തന്നെ വനങ്ങളെ കന്നുകാലികൾക്ക് മേച്ചിൽ സ്ഥലമുണ്ടാക്കാനും വിളകൾ കൃഷി ചെയ്യുന്ന പാടങ്ങളാക്കി മാറ്റാനുമായി കരിച്ചു കൃഷിയിറക്കൽ രീതി വളരെയധികം ഉപയോഗിച്ചിരുന്നു. നിയോലിത്തിക് കാലഘട്ടത്തിലും നദീതടസംസ്കാരത്തിലും വനങ്ങൾ വയൽപ്രദേശങ്ങളാക്കിമാറ്റാൻ കത്തിക്കാൻ തീയാണ് ഉപയോഗിച്ചിരുന്നത്. തീ കൊണ്ട് വനം വൃത്തിയാക്കുന്നതിന് പലകാരണങ്ങളുണ്ട്. അതിലൊന്ന് ഭക്ഷ്യോഗ്യമായ വിളകളെ വന്യമൃഗങ്ങളിൽനിന്ന് സംരക്ഷിക്കുക എന്ന ലക്ഷ്യത്തോടെയാണ് കൂടുതലും തീയിട്ടിരുന്നത്.
This article uses material from the Wikipedia മലയാളം article കരിച്ചു കൃഷിയിറക്കൽ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.