ഒ‌.എൻ‌.വി. സാഹിത്യ അവാർഡ്

കുറുപ്പ്">ഒ‌എൻ‌വി കുറുപ്പിന്റെ (1931–2016) സ്മരണയ്ക്കായി ഒ‌എൻ‌വി കൾച്ചറൽ അക്കാദമി 2017 മുതൽ നൽകി വരുന്ന പുരസ്കാരമാണ് ഒ‌.എൻ‌.വി. സാഹിത്യ അവാർഡ്. ഇന്ത്യയിലുടനീളമുള്ള എഴുത്തുകാരുടെ സാഹിത്യത്തിലുള്ള സമഗ്ര സംഭാവനകൾ പരിഗണിച്ച് നൽകുന്ന ദേശീയ അവാർഡാണ് ഇത്. 2020 വരെ മലയാള ഭാഷാ എഴുത്തുകാർക്ക് മാത്രമാണ് അവാർഡ് ലഭിച്ചത്. 2021 ലെ പുരസ്കാരം തമിഴ് കവിയും ഗാനരചയിതാവും നോവലിസ്റ്റുമായ വൈരമുത്തുവിന് നൽകുന്നതായി പ്രഖ്യാപിച്ചിരുന്നുവെങ്കിലും മീറ്റൂ വിവാദങ്ങളെത്തുടർന്ന് പുരസ്കാരപ്രഖ്യാപനത്തിൽ പ്രതിഷേധമുണ്ടാവുകയും പുരസ്കാരം സ്വീകരിക്കുന്നതിന് അദ്ദേഹം വിസമ്മതിക്കുകയും ചെയ്തിരുന്നു.

മൂന്നുലക്ഷം രൂപയും പ്രശസ്തി പത്രവും ശിൽപ്പവും ഉൾപ്പെടുന്നതാണ് പുരസ്കാരം.