യോദ്ധാ: മലയാള ചലച്ചിത്രം

കേരളത്തിലും നേപ്പാളിലുമായി ചിത്രീകരിച്ചിരിക്കുന്ന ഈ ചിത്രം സാഗാ ഫിലിംസ് നിർമ്മിച്ച് വിതരണം ചെയ്തിരിക്കുന്നു. എ.ആർ. റഹ്‌മാൻ ആണ് ചിത്രത്തിന്റെ സംഗീതസംവിധാനം നിർവ്വഹിച്ചിരിക്കുന്നത്. ഗാനങ്ങളേക്കാൾ പശ്ചാത്തല സംഗീതമാണ് ആകർഷകം. ജഗതിയുടെ അനശ്വര കഥാപാത്രങ്ങളിലൊന്നായ അര ശുംമൂട്ടിൽ അപ്പുകുട്ടനും മോഹൻലാലിന്റെ മികച്ച കഥാപാത്രങ്ങളിൽ ഒന്നായ തൈപ്പറമ്പിൽ അശോകനും ഈ ചിത്രത്തിലാണ്.ബിഗ് ബഡ്ജറ്റായതിനാൽ ഒരു ആവറേജ് വിജയം മാത്രമാണ് ഈ സിനിമയ്ക്ക് നേടാനായത്..

യോദ്ധാ
വി.സി.ഡി. പുറംചട്ട
സംവിധാനം	സംഗീത് ശിവൻ
നിർമ്മാണം	സാഗാ ഫിലിംസ്
കഥ	സംഗീത് ശിവൻ
തിരക്കഥ	ശശിധരൻ ആറാട്ടുവഴി
അഭിനേതാക്കൾ	മോഹൻലാൽ മധൂ മാസ്റ്റർ സിദ്ധാർത്ഥ ജഗതി ശ്രീകുമാർ
സംഗീതം	എ.ആർ. റഹ്‌മാൻ
ഗാനരചന	ബിച്ചു തിരുമല
ഛായാഗ്രഹണം	സന്തോഷ് ശിവൻ
ചിത്രസംയോജനം	ശ്രീകർ പ്രസാദ്
സ്റ്റുഡിയോ	സാഗാ ഫിലിംസ്
വിതരണം	സാഗാ ഫിലിംസ്
റിലീസിങ് തീയതി	1992 സെപ്റ്റംബർ 3
രാജ്യം	ഇന്ത്യ
ഭാഷ	മലയാളം
സമയദൈർഘ്യം	149 മിനിറ്റ്

തൈപ്പറമ്പിൽ അശോകനും (മോഹൻലാൽ) അരശുംമൂട്ടിൽ അപ്പുക്കുട്ടനും (ജഗതി) ജ്യേഷ്ഠത്തിയുടെയും അനുജത്തിയുടെയും മക്കളാണ്. ഇരുവരുടെയും കുടുംബങ്ങൾ തമ്മിൽ ശത്രുതയിലായതിനാൽ ഇവർ പരസ്പരം മത്സരിച്ചുകൊണ്ടിരിക്കുകയാണ്. ഇതേ സമയം, നേപ്പാളിൾ പുതിയ ലാമയെ (റിംപോച്ചെ) വാഴിക്കുന്ന ചടങ്ങകൾ നടക്കുകയാണ്. റിംപോച്ചയെ ഒരു സംഘം ആളുകൾ തട്ടികൊണ്ടു പോകുന്നു. റിംപോച്ചയെ ബലികഴിച്ച് ലോകത്തിന്റെ അധികാരം നേടാനാണ് ഇവരുടെ നേതാവിന്റെ ശ്രമം. റിപോച്ചെക്കായി പുതിയ രക്ഷകൻ വരുമെന്ന് ആശ്രമവാസികൾ അറിയുന്നു. അശോകനും അപ്പുകുട്ടനും തമ്മിലുള്ള വഴക്ക് മൂലം അച്ഛൻ അശോകനെ നേപ്പാളിലെ കുട്ടിമാമയുടെ പക്കൽ അയ്ക്കുന്നു.

നേപ്പാളിലെത്തുന്ന അശോകൻ വീട്ടിലെത്തുമ്പോൾ അപ്പുക്കുട്ടൻ തന്റെ പേരിൽ അവിടെ താമസിക്കുന്നതായി അറിയുന്നു. അശോകൻ യാദൃച്ഛികമായി റിംപോച്ചയെ കാണുകയും അവനെ കൂടെ കൂട്ടുകയും ചെയ്യുന്നു. താൻ അശോകനാണെന്നും വീട്ടിലുള്ളത് അപ്പുക്കുട്ടനാണെന്നും മുറപ്പെണ്ണ് അശ്വതിയെ അറിയിക്കാൻ അശോകൻ ശ്രമിക്കുന്നു. അശ്വതി നേപ്പാളിലെ പുരാതന ആചാരങ്ങളെപ്പറ്റി ഗവേഷണം നടത്തുകയാണ്. ക്യാമറയിൽ അശോകന്റെ ചിത്രം കാണുന്ന അശ്വതി അശോകൻ ധരിച്ചിരിക്കുന്ന മാല റിപോച്ചയുടേതാണെന്ന് അറിയുന്നു. ഇവരുടെ മുൻപിൽവെച്ച് റിപോച്ചയെ തട്ടികൊണ്ട് പോകുന്നു. തടയാൻ ശ്രമിച്ച അശോകനും അശ്വതിക്കും പരുക്കേല്ക്കുന്നു. ഇവരെ പിന്തുടർന്ന അപ്പുക്കുട്ടൻ ആദിവാസികളുടെ പിടിയിലകപ്പെടുന്നു. പരിശീലനം നേടിയ അശോകൻ റിംപോച്ചയെ രക്ഷിക്കുകയും വില്ലനെ കൊല്ലുകയും ചെയ്യുന്നു. കാഴ്ച തിരിച്ചു നേടിയ അശോകൻ അശ്വതി മരിച്ചിട്ടില്ല എന്നറിയുന്നു.

• മോഹൻലാൽ – തൈപ്പറമ്പിൽ അശോകൻ
• ജഗതി ശ്രീകുമാർ – അരശ് മൂട്ടിൽ അപ്പുക്കുട്ടൻ
• മാസ്റ്റർ സിദ്ധാർത്ഥ – റിംപോച്ചേ (ഉണ്ണിക്കുട്ടൻ)
• മധൂ – അശ്വതി
• എം.എസ്. തൃപ്പുണിത്തറ – കുട്ടിമാമൻ
• ജഗന്നാഥ വർമ്മ – അശോകന്റെ അച്ഛൻ
• ഒടുവിൽ ഉണ്ണികൃഷ്ണൻ – അപ്പുക്കുട്ടന്റെ അച്ഛൻ
• ഉർവശി – ദമയന്തി
• സുകുമാരി – സുമതി
• മീന – വസുമതി
• ബീന ആന്റണി – അശോകന്റെ സഹോദരി
• പുനീത് ഇസ്സർ
• നന്ദു

ബിച്ചു തിരുമല എഴുതിയ ഇതിലെ ഗാനങ്ങൾക്ക് സംഗീതം പകർന്നത് എ.ആർ. റഹ്‌മാൻ ആണ്.

 

വിക്കിചൊല്ലുകളിലെ യോദ്ധാ എന്ന താളിൽ ഈ ലേഖനവുമായി ബന്ധപ്പെട്ട ചൊല്ലുകൾ ലഭ്യമാണ്‌:

ഗാനങ്ങൾ

മലയാളം വേർഷൻ

തമിഴ് (അശോകൻ)

ഹിന്ദി വേർഷൻ (ധരം യോദ്ധ)

1992 കേരളസംസ്ഥാന ചലച്ചിത്രപുരസ്കാരങ്ങൾ

• മികച്ച ബാലതാരം – മാസ്റ്റർ സിദ്ധാർത്ഥ
• മികച്ച ചിത്രസംയോജകൻ – ശ്രീകർ പ്രസാദ്
• മികച്ച ശബ്ദലേഖകൻ – അരുൺ കെ. ബോസ്
• മികച്ച ശബ്ദസംയോജകൻ – അരുൺ കെ. ബോസ്

• യോദ്ധാ ഇന്റർനെറ്റ് മൂവി ഡാറ്റാബേസിൽ
• യോദ്ധാ – മലയാളസംഗീതം.ഇൻഫോ