ഹോമിയോപ്പതിയിൽ ജർമ്മൻ ഭിഷഗ്വരനായ സാമുവൽ ഹാനിമാൻ പരീക്ഷണം നടത്തിയ സസ്യമായിരുന്നു സിങ്കോണ(Cinchona).
മലമ്പനിക്കുള്ള ഏറ്റവും പ്രധാന ഔഷധമായ ക്വിനിൻ ഉത്പാദിപ്പിച്ചത് ഈ സസ്യത്തിൽ നിന്നുമാണ്.
സിങ്കോണ | |
---|---|
Cinchona pubescens - flowers | |
ശാസ്ത്രീയ വർഗ്ഗീകരണം | |
കിങ്ഡം: | |
Division: | |
Class: | |
Order: | |
Family: | |
Genus: | Cinchona L. 1753 |
Species | |
about 25 species; see text |
തെക്കേ അമേരിക്കയാണ് സിങ്കോണയുടെ ജന്മദേശം. സിങ്കോണ എന്ന പേര് ഉണ്ടായത് പെറുവിലെ വൈസ്രോയിയുടെ ഭാര്യയായ സിങ്കോൺ Chinchon എന്ന പേരിൽ നിന്നുമാണ്. എങ്കിലും നീലഗിരി, ഊട്ടി, സിക്കിം, ഹിമാലയസാനുക്കളിലും സിങ്കോണ കൃഷിചെയ്തുവരുന്നു. സിങ്കോണ മരം എട്ടു മീറ്റർ വരെ ഉയരത്തിൽ വളരുന്ന നിത്യഹരിത വൃക്ഷമാണ്. സിങ്കോണയുടെ മരപ്പട്ടയാണ് ഔഷധ യോഗ്യമായ ഭാഗമായി ആയുർവേദത്തിൽ ഉപയോഗിക്കുന്നത്. തിക്ത രസവും ലഘു രൂക്ഷ ഗുണവും ഉഷ്ണവീര്യവും കടുവിപാകവുമാണ് സിങ്കോണയുടെ ആയുർവേദത്തിലെ രസാദി ഗുണങ്ങൾ
പ്രധാനമായും ഉണ്ടാക്കുന്ന ഔഷധം മലമ്പനിക്കെതിരെയുള്ള മരുന്നായ ക്വിനിൻ ആണ്. പനി വിറയൽ, വിയർപ്പ് എന്നീ ലക്ഷണങ്ങളോടെ ഉണ്ടാകുന്ന മലമ്പനിക്കാണ് ക്വിനിൻ സാധാരണ ഉപയോഗിക്കുന്നത്. കൂടാതെ സാധാരണയിൽ കവിഞ്ഞ വിശപ്പ്, ഭക്ഷണം കഴിച്ച ഉടനേ വീണ്ടും കഴിക്കണം എന്നുള്ള തോന്നൽ, എല്ലാ ഭക്ഷണ സാധനങ്ങളോടും അത്യാർത്തി, ദഹനത്തിന് താമസം, വറുവേദന, വയർ സ്തംഭനം എന്നുതുടങ്ങി വർദ്ധിച്ച രക്തവാതത്തിനുവരെ ക്വിനിൻ ഉപയോഗിക്കുന്നു . ചെവിയിൽ നിന്നും ഉണ്ടാകുന്ന പഴുപ്പ്, മൂക്കിൽ നിന്നും രക്തംവരിക, സ്വപ്നസ്ഖലനം എന്നീ അവസ്ഥവിശേഷങ്ങൾക്ക് സിങ്കോണയിൽ നിന്നുമുള്ള ഔഷധം ഉപയോഗിക്കുന്നു .
രസം : തിക്തം
ഗുണം :ലഘു, രൂക്ഷം
വീര്യം :ഉഷ്ണം
വിപാകം :കടു
മരപ്പട്ട
മലേറിയ രോഗികൾക്ക് ക്വിനൈൻ ചേർത്തുണ്ടാക്കുന്ന ഗുളികകൾ 150 മി.ഗ്രാം മുതൽ 600 മി.ഗ്രാം വരെ ദിവസം ഒന്നോ രണ്ടോ നേരം തുടർച്ചയായി 21 ദിവസം കൊടുത്തു വരുന്നു. രോഗിയുടെ പ്രായവും രോഗാവസ്ഥയും അനുസരിച്ചാണ് മരുന്ന് ക്രമപ്പെടുത്തണ്ടത്.കൂടാതെ ഡിങ്കോണയ്ക്ക് കൃമിനാശക ശക്തിയുണ്ട്, കഫപിത്ത വികാരങ്ങൾ ഇല്ലാതാക്കുന്നതിന് ഉത്തമമാണ്
ക്വിനൈൻ, ക്വിനൈഡിൻ, സിങ്കൊണൈൻ,സിങ്കോണിഡിൻ, ക്വിനിക് ആസിഡ്, സിങ്കൊറ്റാനിക് ആസിഡ്, സിങ്കോഫുൾവിക് ആസിഡ് എന്നിവയെല്ലാം സിങ്കോണയുടെ തൊലിയിൽ അടങ്ങിയിരിക്കുന്ന രാസഘടകങ്ങളാണ്. ഇതിൽ ക്വിനൈൻ കൊറോണ വൈറസ് രോഗത്തിന് ഫലപ്രദമായി ഉപയോഗിച്ച് വരുന്നു.
This article uses material from the Wikipedia മലയാളം article സിങ്കോണ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.