പ്രകൃതിയുടെ പരസ്പരപ്രവർത്തനങ്ങക്ക് കാരണം നാല് അടിസ്ഥാനബലങ്ങളാണ്, ദുർബല പ്രവർത്തനം ശക്ത പ്രവർത്തനം ഗുരുത്വം വിദ്യുത്കാന്തികത എന്നിവയാണ് ഈ ബലങ്ങൾ. വിദ്യുത്കാന്തികത ഗുരുത്വത്തെപ്പോലെ അനതപരിധിയോടുകൂടിയതാണ്, കൂടാതെ വളരെയധികം ശക്തിയേറിയതും, വൈദ്യുത ചാർജ് ഉള്ള കണികകൾക്കിടയിൽ ഉണ്ടാകുന്ന പ്രതിഭാസമായും വിദ്യുത്കാന്തികതയെ അനുവർത്തിക്കാം. ഈ പ്രതിഭാസം മൂലം ഉണ്ടാകുന്ന ബലത്തെ വിദ്യുത്കാന്തികബലം എന്നും ഈ ബലം അനുഭവപ്പെടുന്ന പ്രദേശത്തെ വിദ്യുത്കാന്തികമണ്ഡലം എന്നും പറയാം.
വൈദ്യുതകാന്തികത |
|
വൈദ്യുതി · കാന്തികത Magnetostatics | Ampère’s law · വൈദ്യുതധാര · കാന്തികക്ഷേത്രം · Magnetization · Magnetic flux · Biot–Savart law · Magnetic dipole moment · Gauss's law for magnetism | Covariant formulation | Electromagnetic tensor · EM Stress-energy tensor · Four-current · Electromagnetic four-potential | |
|
ഗുരുത്വാകർഷണത്തെ ഒഴിച്ചു നിർത്തിയാൽ നിത്യജീവിതത്തിൽ നടക്കുന്ന് മിക്കവാറും പ്രവർത്തനങ്ങൾ ഈ പ്രതിഭാസത്തിന്റെ ഫലമായാണ് ഉണ്ടാകുന്നത്. സാധാരണ ദ്രവ്യത്തിന് രൂപം ലഭിക്കുന്നത് അവയുലുള്ള ഓരോ തന്മാത്രകളുടെയും പരസ്പരമുള്ള ബലത്താലാണ്. വിദ്യുത്കാന്തികത എന്നാൽ ഇലക്ട്രോണിനെയും പ്രോട്ടോണിനേയും ഒരു ആറ്റത്തിനുള്ളിൽ നിർത്തുവാനുള്ള ബലമാണ്, ഈ ആറ്റങ്ങളാണ് തന്മാത്രയുടെ അടിസ്ഥാനവും. രസതന്ത്രത്തിൽ ഇലക്ട്രോണുകൾ ആറ്റത്തിനെ ചുറ്റുന്നത് ഈ അടിസ്ഥാന തത്ത്വമാണ് ഉപയോഗിച്ചിരിക്കുന്നത്. എന്നിരുന്നാലും, വിദ്യുത്കാന്തികബലം രണ്ടു വ്യത്യസ്ത പദാർഥ വസ്തുക്കളിൽ പ്രയോഗിക്കപ്പെടുന്നില്ല (ഉദാ: ഒരു ടംബ്ലർ ഉയർത്തുമ്പോൾ). ഖരവസ്തുക്കൾ ഉറച്ചതായിരിക്കുന്നത്, ഘർഷണം, മഴവില്ലുകൾ, മിന്നൽ, മനുഷ്യനിർമ്മിതമായ ഉപകരണങ്ങളായ ടെലിവിഷൻ, കംപ്യൂട്ടറുകൾ തുടങ്ങിയവ ഉപയോഗപ്പെടുത്തുന്ന വൈദ്യുതപ്രവാഹം ഇവയെല്ലാം ഈ അടിസ്ഥാന പ്രതിഭാസത്തിന്റെ ഫലമായുള്ളതാണ്. അണു തലത്തിൽ നടക്കുന്ന പ്രവർത്തനങ്ങളും അവയുടെ ഗുണങ്ങളും, ഉദാഹരണത്തിന് രാസവസ്തുക്കളുടെ സ്വഭാവം, രാസബന്ധനങ്ങൾ തുടങ്ങിയവയും ഈ പ്രതിഭാസത്തിന്റെ ഫലം തന്നെ.
വിദ്യുത്കാന്തികത എന്ന പ്രതിഭാസം വൈദ്യുതമണ്ഡലം, കാന്തികക്ഷേത്രവും എന്നിവയുമായി അഭിവ്യഞ്ജിപ്പിക്കുവാൻ സാധിക്കുമെങ്കിലും, വൈദ്യുതമണ്ഡലം, കാന്തികക്ഷേത്രവും വിദ്യുത്കാന്തികതയുടെ ഭാഗമാണെന്നു പറയാം. അതിനാൽ കാന്തികക്ഷേത്രത്തിലുണ്ടാകുന്ന മാറ്റം വൈദ്യുതമണ്ഡലവും, വൈദ്യുതമണ്ഡലത്തിലുണ്ടാകുന്ന മാറ്റം കാന്തികക്ഷേത്രവും ഉണ്ടാക്കുന്നു. ഈ പ്രതിഭാസത്തെ വൈദ്യുതകാന്തികപ്രേരണം എന്നു പറയുന്നു. ഈ തത്ത്വമുപയോഗിച്ചാണ്, വൈദ്യുതജനിത്രം, ട്രാൻസ്ഫോർമർ തുടങ്ങിയവ പ്രവർത്തിക്കുന്നത്.
ചരിത്രം
വൈദ്യുതബലവും കാന്തികബലവും രണ്ട് പ്രത്യേക ബലങ്ങളണെന്നായിരുന്നു ആദ്യകാലത്ത് വിശ്വസിക്കപ്പെട്ടിരുന്നത്. എന്നാൽ ഏർസ്റ്റഡ്, മൈക്കേൽ ഫാരഡെ മുതലായ ശാസ്ത്രജ്ഞന്മാരുടെ പരീക്ഷണങ്ങൾ ഈ ധാരണ തെറ്റാണെന്നു തെളിയിച്ചു. 1873-ൽ മാക്സ്വെൽ എഴുതിയ Treatise on Electricity and Magnetism പുറത്തുവന്നതോടെ വൈദ്യുതബലവും കാന്തികബലവും ഒരേ ബലത്തിന്റെ രൂപാന്തരങ്ങളാണെന്ന് ശാസ്ത്രലോകം അംഗീകരിച്ചു.
അവലംബം
This article uses material from the Wikipedia മലയാളം article വൈദ്യുതകാന്തികത, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.