ഗ്രേസി

1951-ൽ ജനനം. പെൺപക്ഷത്തിന്റെ വികാരം പ്രതിഫലിപ്പിക്കുന്ന എഴുത്തുശൈലിയാണ് ഗ്രേസിയുടേത്. സ്ത്രീ ശരീരത്തെയും ലൈംഗീകതയെയും കുറിച്ചുള്ള തുറന്നെഴുത്തുകൾ ഗ്രേസിയുടെ നിരവധി കഥകളിൽ കാണാം. എന്നാൽ, മലയാളത്തിലെ മറ്റുള്ള എഴുത്തുകാരികളുടെ പതിവ് രീതികളിൽ നിന്ന് മാറിനടന്നു, വേറിട്ട വിഷയങ്ങളിലൂടെയും ശൈലിയിലൂടെയും കഥകൾ എഴുതുന്നത് ഗ്രേസിയെ വ്യത്യസ്തയാക്കി.ലളിതാംബിക അന്തർജ്ജനം അവാർഡും (1995) തോപ്പിൽ രവി പുരസ്കാരവും (1997, ഭ്രാന്തൻപൂക്കൾ എന്ന കൃതിക്ക്‌) ലഭിച്ചിട്ടുണ്ട്. ഇംഗ്ലീഷ്, ഹിന്ദി, തമിഴ്, ഒറിയ എന്നീ ഭാഷകളിലേക്ക് കഥകൾ മൊഴിമാറ്റം ചെയ്യപ്പെട്ടിട്ടുണ്ട്. തിരഞ്ഞെടുത്ത പത്തൊൻപതു കഥകളുടെ സമാഹാരം “ഇപ്പോൾ പനിക്കാലം” എന്നപേരിൽ തമിഴിൽ പുറത്തിറങ്ങിയിട്ടുണ്ട്. “പാഞ്ചാലി” എന്ന കഥയ്ക്ക് 1998-ഇലെ മികച്ച മലയാള കഥയ്ക്കുള്ള കഥാ‍ അവാർഡ് (ഡെൽഹി) ലഭിച്ചു.

ആദ്യസമാഹാരമായ പടിയിറങ്ങിപ്പോയ പാർവ്വതി 1991-ൽ പ്രസിദ്ധപ്പെടുത്തി.

• പടിയിറങ്ങിപ്പോയ പാർവ്വതി (1991)
• നരകവാതിൽ (1993)
• ഭ്രാന്തൻപൂക്കൾ
• രണ്ട് സ്വപ്നദർശികൾ
• കാവേരിയുടെ നേര്
• പനിക്കണ്ണ്
• ഏഴ് പെൺകഥകൾ
• മൗനവും സംസാരിക്കാറുണ്ട് (ഓർമ്മക്കുറിപ്പുകൾ)
• അപഥ സഞ്ചാരികൾക്ക് ഒരു കൈപ്പുസ്തകം (ഓർമ്മക്കുറിപ്പുകൾ)
• ഒരു ചെറിയ ജീവിതത്തിന്റെ ശിരോരേഖകൾ (ആത്മകഥ)
• ഗ്രേസിയുടെ കഥകൾ
• മൂത്രത്തീക്കര
• ഉടൽ വഴികൾ
• പ്രണയം അഞ്ചടി ഏഴിഞ്ച്
• ഗൗളി ജന്മം
• ഗ്രേസിയുടെ കുറും കഥകൾ
• വാഴ്ത്തപ്പെട്ട പൂച്ച
• പറക്കും കാശ്യപ്
• രണ്ടു ചരിത്രകാരന്മാരും ഒരു യുവതിയും

• 1995: ലളിതാംബിക അന്തർജ്ജനം അവാർഡ് (1995)
• 1997: തോപ്പിൽ രവി അവാർഡ് - ഭ്രാന്തൻ പൂക്കൾl
• 1998: മികച്ച കഥയ്ക്കുള്ള കഥ പുരസ്കാരം - പാഞ്ചാലി
• 2000: കേരള സാഹിത്യ അക്കാദമി പുരസ്കാരം - രണ്ട് സ്വപ്നദർശികൾ
• 2020 ലെ കേന്ദ്രസാഹിത്യ അക്കാദമി ബാലസാഹിത്യ പുരസ്‌കാരം വാഴ്ത്തപ്പെട്ട പൂച്ച എന്ന കൃതിക്ക്