അസ്പ്

ഇതിന്റെ ശാസ്ത്രീയ നാമം നാജ ഹാജെ എന്നാണ്. ഈജിപ്തിൽ രാജകീയ ചിഹ്നമായും ഇതിനെ അംഗീകരിച്ചിരുന്നു. ഈജിപ്ഷ്യൻ സാഹിത്യത്തിൽ അസ്പിന് ഒരു പ്രധാന സ്ഥാനമുണ്ട്. മരണശിക്ഷയ്ക്കു വിധിക്കപ്പെട്ട കുറ്റവാളികളുടെ നെഞ്ചിൽ അസ്പിനെക്കൊണ്ട് ഒരുപ്രാവശ്യം കൊത്തിച്ചു ശിക്ഷ നടപ്പാക്കിയിരുന്നതായി ഗ്രീക്ക് ഭിഷഗ്വരനായ ഗാലൻ രേഖപ്പെടുത്തിയിട്ടുണ്ട്. ക്ലിയോപാട്രയുടെ മരണത്തിനു കാരണമായതും അസ്പാണെന്നു കരുതപ്പെടുന്നു.

ഈജിപ്ഷ്യൻ കോബ്ര
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	ഉരഗങ്ങൾ
Order:	Squamata
Suborder:	Serpentes
Family:	Elapidae
Genus:	Naja
Species:	N. haje
Binomial name
Naja haje (Linnaeus, 1758)
ഈജിപ്ഷ്യൻ മൂർഖൻ വാസസ്ഥലങ്ങൾ

ഇന്ത്യയിൽ കാണുന്ന മൂർഖന്റേതിനെക്കാൾ വീതികുറഞ്ഞ പത്തിയാണ് അസ്പിനുള്ളത്. അസ്പ് 75 സെന്റിമീറ്റർ വരെ നീളം വയ്ക്കും. ഈജിപ്ഷ്യൻ പാമ്പാട്ടികൾ ഇവയുടെ കഴുത്തിന്റെ ഒരു പ്രത്യേക ഭാഗത്തായി സമ്മർദം ചെലുത്തി വടിപോലെയാക്കാറുണ്ടെന്നു പറയപ്പെടുന്നു.

സെറാസ് റെറസ് എന്നറിയപ്പെട്ടിരുന്ന അസ്പിസ് എന്ന അണലികൾക്കും അസ്പ് എന്നു പേരുണ്ട്. സഹാറാമരുഭൂമിയിലാണ് ഇവ കാണപ്പെടുന്നത്. യൂറോപ്പിലും വടക്കേ ആഫ്രിക്കയിലുമുളള പല വിഷപ്പാമ്പുകൾക്കും പൊതുവേ ഈ പേര് പറയാറുണ്ട്. വൈപ്പെറ അസ്പിസ് എന്ന ഇനം അണലികൾക്കു മാത്രമായി ഈ പേരുപയോഗിക്കയാവും ഉത്തമം. മെഡിറ്ററേനിയൻ പ്രദേശങ്ങളിലും മധ്യയൂറോപ്പിലും ഇത്തരം പാമ്പുകൾ ധാരാളമായുണ്ട്. കഷ്ടിച്ച് ഒന്നര മീറ്റർ മാത്രം നീളം വരുന്ന, അധികം വണ്ണമില്ലാത്ത ഈ പാമ്പ് ഉഗ്രവിഷമുള്ളതാണ്.