Нане: род растенија

Видовите од родот Mentha имаат субкосмополитско распространување низ Европа, Африка и Азија, Австралија и Северна Америка. Постојат и одреден број на хибридни видови.

Нане
Кадраво и питомо нане
Научна класификација [ у ]
Царство:	Растенија
клад:	Скриеносеменици
клад:	Евдикоти
клад:	Астериди
клад:	Евастериди I
Ред:	Усноцветовидни
Род:	Нане L.
Типски вид
Кадраво нане (Mentha spicata) L.
Синоними
Pulegium Mill. Preslia Opiz Audibertia Benth. Menthella Pérard Minthe St.-Lag.

Различните видови на нане се ароматични, речиси секогаш повеќегодишни, ретко едногодишни тревести растенија. Тие имаат разгранети подземни ризоми и исправени, разгранети стебла. Листовите се наспрамни, од прости издолжени до ланцетни, најчесто перести, со насечени рабови. Бојата на листовите се движи од темнозелена и сивозелена до розова, сина и понекогаш бледожолта. Цветовите се групирани во гроздови (verticil-и) на една исправена боцка, по боја се бели до розови. Венчето е двоусно со четири субеквални венечни ливчиња, при што горните се обично поголеми. Плодот е мала и сува капсула која содржи едно до четири семиња.

Без разлика што видовите кои го сочинуваат родот Mentha се нашироко распространети и можат да се најдат во многу станишта, сепак, повеќето растат во влажни средини и на влажни почви. Нането расте до 10–120 cm во височина. Како резултат на тенденцијата на брзо распространување, нането се смета за инвазивен вид.

Во следната листа се претставени нехибридните видови на нане. Тука се напишани научното и народното име. Синонимите, заедно со култивираните растенија и вариетети, се испишани под видот.

Во следната листа се претставени хибридните видови на нане.