Хеврон — палестински град во јужниот дел на Западен Брег, на 30 километри јужно од Ерусалим.
Тој е најголемиот град во Западниот Брег и втор по големина во териториите управувани од Палестина, после Газа. Сместен во Јудејските Планини, градот лежи на надморска височина од 930 метри. Според пописот од 2016 година, Хеврон има население од 215.452 Палестинци, а меѓу 500 и 850 Евреи живеат на периферијата на Стариот град Хеврон.
Евреите, христијаните и муслиманите го почитуваат Хеврон поради неговата поврзаност со Авраам: Во стариот дел на Хеврон се наоѓа Пештерата на Патријарсите. Јудаизмот го вреднува Хеврон како најсветиот град после Ерусалим, додека некои муслимани го сметаат за еден од четирите свети градови. Стариот дел на Хеврон е прогласен за Светско наследство од УНЕСКО во 2017 година.
Договорот од Хеврон од 1997 година го дели градот на два сектори: H1, управуван од Палестинската самоуправа, и H2, речиси 20 % од градот, под управа на Израел. Евреите имаат свое тело за локална самоуправа наречено Комитет на еврејската заедница на Хеврон.
„Хеврон“ на Ризницата ? |
This article uses material from the Wikipedia Македонски article Хеврон, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.