Тиренско Море: море
Тиренското Море (корзикански: Mari Tirrenu, француски: Mer Tyrrhénienne, италијански: Mar Tirreno, неаполски: Mar Tirreno, сардински: Mare Tirrenu, сицилиски: Mari Tirrenu) водна површина која претставува дел од Средоземното Море, т.е.
делот западно од копното на Италија.
Географија
Морето се граничи со Корзика и Сардинија на запад, Тоскана, Лацио, Кампанија, Базликата и Калабрија на исток и Сицилија на југ.
Најголемата длабочина на морето изнесува 3785 m.
Тиренското Море се наоѓа близу местото каде што се среќаваат Африканската и Европската Плоча, па затоа во неговите длабочини има цели планински вериги и активни вулкани. Во јужниот дел од морето се наоѓаат осумте Липарски Острови, северно од Сицилија.
Граници
Според Меѓународната хидрографска организација, границите на Тиренското Море се следниве:
Во Месинскиот Проток. Линија што го поврзува северниот крај на ’ртот Пачи (15°42' ИГД) со источниот крај на островот Сицилија, ’ртот Пелоро (38°16' СГШ).
На југозапад. линија што се протега од ’ртот Лилибео (најзападно во Сицилија) до јужниот крај на ’ртот Теулада (8°38' ИГД) во Сардинија.
Во протокот Бонифачо. Линија од западниот крај на ’ртот Теста (41°14' СГШ) во сардинија, па до југозападниот крај ’ртот Фено (41°23' СГШ) во Корзика.
На север. Линијата што ги поврзува ’ртот Корс (или Корзо, 9°23' ИГД) во Корзика, со островот Тинето (44°01′N 9°51′E / 44.017° СГШ; 9.850° ИГД) и оттаму, низ островите Тино и Палмарија, па до ’ртот Сан Пјетро (44°03′N 9°50′E / 44.050° СГШ; 9.833° ИГД) на крајбрежјето на Италија.
Излези
Тиренското Море има пет излеза (од север кон југ):
- Корзиканскиот Канал помеѓу Тоскана и Корзика, широк околу 80 км.
- Протокот Бонифачо помеѓу Корзика и Сардинија, широк околу 11 км.
- Сардинскиот Канал помеѓу Сардинија и Тунис, широк околу 200 км .
- Сицилијанскиот Проток помеѓу Тунис и Сицилија, широк околу 160 км.
- Месинскиот Проток помеѓу Сицилија и Калабрија на врвот на „чизмата“ на Италија, широк околу 3 км.
Име
Името на морето доаѓа од грчкиот поим за Етрурците, кои се сметале за доселеници од Лидија, предводени од кнезот Тирен. Етрурците се населиле долж крајбрежјето на денешна Тоскана, и затоа морето се нарекувало уште и „Етрурско Море“.
Поврзано
- Лигурско Море
- Јонско Море
- Салернски Залив
Наводи
| „Тиренско Море“ на Ризницата ? |
39°31′22″N 13°21′12″E / 39.52278° СГШ; 13.35333° ИГД
This article uses material from the Wikipedia Македонски article Тиренско Море, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.