Канино: село во Општина Битола

Селото се наоѓа во јужниот дел на Битолското Поле, оддалечено 11 километри јужно од градот Битола.

Во XIX век селото било дел од Битолската каза на Отоманското Царство.

Вкупно 6 жители на оваа населба се заведени како жртви во Втората светска војна.

Според статистиката на Васил К’нчов („Македонија, Етнографија и статистика“) од 1900 година, во Канино живееле 250 жители од кои 190 Албанци и 60 Македонци.

Според секретарот на Бугарската егзархија Димитар Мишев, („La Macédoine et sa Population Chrétienne“) во 1905 година во Канино имало 192 Македонци, патријаршисти.

На Етнографската карта на Битолскиот Вилает од 1901 г. Канино се води како чисто македонско село во Битолската каза на Битолскиот санџак со 28 куќи.

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.

Според пописот од 2002 година, селото има 111 жители, од кои 107 Македонци, 2 Срби и 2 останати.

Според последниот попис од 2021 година, во селото живееле 104 жители, од кои 89 Македонци и 15 лица без податоци.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Канино е македонско православно село, родовите во селото се староседелски и доселенички.

Според истражувањата од 1951 година, родови во селото Канино се:

• Староседелци: Јанкуловци (2 куќи), Иљовци (8 куќи), Кузмановци (1 куќа), Трајчевци (1 куќа), Стојчевци (10 куќи), Јовановци (3 куќи), Пелтевци (2 куќи), Николовци (1 куќа) и Нешковци (3 куќи)
• Доселеници: Јанкуловци (7 куќи) доселени се од селото Бистрица; Гроздановци (7 куќи) доселени се од некое село во Преспа; Каракачовци (1 куќа) доселени се од селото Олевени; Димовци (1 куќа) и Толевци (1 куќа) доселени се од селото Породин.

Избирачко место

Во селото постои избирачкото место бр. 155 според Државната изборна комисија, сместени во просториите на дом на културата.

На претседателските избори во 2019 година, на ова избирачко место биле запишани вкупно 88 гласачи.

Цркви

• Црква „Св. Богородица“ — главна селска и гробјанска црква изградена во втората половина на XIX век
• Црква „Св. Петка“ од 1860 г.

Археолошки наоѓалишта

• Тумба — населба од брозено време;
• Мечкарец — наоѓалиште од непознат тип и период;
• Кули — наоѓалиште од непознат тип и период;

• Илија Размов - учесник во доброволните чети на Балканските војни
• Миле Димовски (1924-1944) - партизан, учесник во НОБ;
• Никола Тодоровски (1914-1944) - партизан, учесник во НОБ;
• Ристе Спасевски (1925-1944) - партизан, учесник во НОБ;
• Раде Бошевски (1953-)- фудбалер на Ф. К. Пелистер Битола во 1970-тите.

До 1951 година од селото се иселиле 10 семејства во Битола и Северна Америка. Иселениците во Битола биле од родовите Јанкуловци и Толевци. Во Битола има уште иселеници од Размовци, Божиновци и Иљови. Иселениците во Северна Америка потекнувале од родот Трајчевци и други.