Атанас Раздолов
Атанас Раздолов — македонски револуционер и писател.
| Атанас Раздолов | ||
 | ||
| Роден | 1872 година Берово, Македонија | |
|---|---|---|
| Починал | 1931 година Софија, Бугарија | |
| Занимање | Македонски револуционер и писател | |
Биографија
Раздолов е роден во 1872 година во Берово, Малешевско, во семејството Топаловци. Уште млад тој го напушта родното место и оди во Софија. Задоен со преродбенските и ослободителните борби во малешевскиот крај и наоѓајќи се во работничка средина во Софија, ослободителните идеи кај младиот Раздолов се издигнуваат на повисоко ниво. Тој ја поврзува националноослободителната борба со револуционерната борба на работничката класа. Познат е под псевдонимот „дедо Раздолчо“. Членува во Македонскиот револуционерен социјалдемократски сојуз, основан од Васил Главинов.
Во 1901 година е затворен поради неговите пишувања за бугарскиот кнез Фердинанд.
За време на Балканските војни, тој бил доброволец во втората бригада од Седмата кумановска дружина на Македонско-одринскиот доброволен корпус на бугарската армија, со командирот потпоручник Георги Светогорски.
Атанас Раздолов самиот си го одзема животот во Софија во 1931 година.
Творештво
.jpg)
Раздолов е автор на 15 книги, помеѓу кои се: „Песните на востаникот“ (1895), „Крвавиот исток и бездушна Европа“ (1889), „Пред министерските врати“ (1907), „Иднината на балканскиот полуостров“ (1914). Објавил и повеќе статии, стихови и брошури со револуционерна содржина. Дел од неговите брошури по курири биле испраќани во внатрешноста на Македонија, за потребите на Организацијата.
Пример од поезијата на Атанас Раздолов
Следната поема е извадок од „Песните на востаникот“.
| Так в срцето македонско |
Белешки
Надворешни врски
| Викиизвор има текст за |
- „Иднината на Балканскиот Полуостров“
- За луѓето од Малешевијата - Атанас Раздолов
- Атанас Раздолов говори за това кои точно са Македонците
This article uses material from the Wikipedia Македонски article Атанас Раздолов, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.