Museum

Banyak museum umum punyo babagai koleksi bebas untuak dicaliak urang banyak barupo pameran nan bantuaknyo parmanen atau samantaro. Museum gadang umumnyo talatak di kota-kota gadang di dunia, samantaro museum lokal tadapek di kota-kota nan labiah ketek, di daerah, atau di pakampuangan. Tiok-tiok museum punyo tujuan nan balainan, mulai dari malayani panaliti jo spesialis inggo malayani masarakaik umum. Tujuan malayani panaliti kini ko samakin bagarak ka arah malayani masarakaik umum.

Ado banyak jinih museum, antaro lain museum seni, museum sijarah alam, museum sains, museum parang, jo museum anak-anak. Museum tagadang jo tabanyak dikunjuangi di dunia antaro lain Museum Louvre di Paris, Museum Seni Metropolitan di Kota New York, Museum Nasional Cino di Beijing, Institut Smithsonian di Washington, D.C., Museum Britania jo Galeri Nasional di London, sarato Museum Vatikan di Kota Vatikan. Manuruik Dewan Museum Internasional, ado labiah dari 55.000 museum di dunia nan taseba di 202 nagara.

Kato museum barasa dari kata bahaso Yunani Kuno Μουσεῖον (Mouseion), nan marupoan tampek atau kuil untuak mamuja Mousai (dewi palinduang seni dalam mitologi Yunani), dek karanonyo marupoan bangunan nan dibuek tapisah untuak pandidikan jo seni, contohnyo Musaeum (limbago) pilsapaik jo panalitian di Alexandria nan didirian dek Ptolemaios I Soter sakita taun 280 SM.

Barikuik iko adolah namo-namo 20 museum nan paliang acok bakunjuangi (data taun 2018) manuruik AECOM jo laporan taunan Themed Entertainment Association. London jo Washington, D.C. punyo labiah banyak museum nan paliang banyak bakunjuangi di dunia daripado kota-kota lainnyo, yaitu masing-masing ado limo jo ampek museum.

Paringkek	Museum	Lokasi	Pangunjuang taunan
1	Museum Louvre	Paris	10.200.000
2	Museum Nasional Cino	Beijing	8.610.092
3	Museum Seni Metropolitan	Kota New York	6.953.927
4	Museum Vatikan	Kota Vatikan (  Roma)	6.756.186
5	Museum Dirgantara jo Antariksa Nasional	Washington, D.C.	6.200.000
6	Tate Modern	London	5.868.562
7	Museum Britania	London	5.828.552
8	Galeri Nasional	London	5.735.831
9	Museum Sijarah Alam, London	London	5.226.320
10	Museum Sijarah Alam Amerika	Kota New York	5.000.000
11	Museum Sijarah Alam Nasional	Washington, D.C.	4.800.000
12	Galeri Seni Nasional	Washington, D.C.	4.404.212
13	Museum Sains jo Teknologi Cino	Beijing	4.400.000
14	Museum Negara Ermitaz	Saint Petersburg	4.220.000
15	Museum Zhejiang	Hangzhou	4.200.000
16	Museum Nasional Sijarah Amerika	Washington, D.C.	4.100.000
17	Museum Victoria jo Albert	London	3.967.566
18	Reina Sofía	Madrid	3.898.000
19	Museum Istano Nasional	Taipei	3.860.000
20	Museum Nanjing	Nanjing	3.670.000

Selama abaik ka-21, mulai muncua bakambang garakan nan mandukuang dekolonisasi babagai museum di Inggirih jo tampek lainnyo dunia. Banyak nan manyuarokan malalui garakan iko, baso 'museum-museum adolah sabuah kotak bando-bando', mareka indak mawakili carito nan langkok, malainkan manunjuakkan narasi tatantu nan manampilan ideologi tapiliah di mano carito tatantu sangajo ditinggaan.^:9-18 Para pandukuang garakan iko, sarupo kalompok Museum Detox atau seniman Alice Procter malalui 'tur seni nan indak manyanangan'-nyo, salalu mandorong urang-urang untuak mampatimbangan perspektif nan ilang iko katiko mangunjuangi museum, karano satiok objek nan bacaliak di lingkungan sarupo itu ditampekan dek sasurang untuak mandorong suduik pandang tatantu, baik itu sijarah, budaya, atau pangatauan.^:9-18

Salah satu contohnyo adolah manganai patuang Moai dari Pulau Paskah nan daulu diambiak sabagai adiah untuak Ratu Victoria jo kini tapajang di Museum Britania sajak 1869. Patuang iko dipandang sabagai niniak muyang/'dunsanak' atau jiwa dek urang Rapa Nui sarato punyo nilai budaya nan dalam bagi bangsa tu, dek itu masuak aka baso patuang tu paralu dibaliakan.

Contoh lain pameresoan baliak artefak masarakaik adat adolah pado kasus Parisai Gweagal, nan dipandang sabagai parisai nan sabana pantiang nan diambiak dari Taluak Botany pado April 1770 jo kini ko tasimpan di Museum Britania, walaupun studi tarakia taun 2018 tantang bahan asal parisai manunjuakan dugaan itu indaklah batua. Panilaian baliak artefak di Museum Britania nan dikatoan juo barasa dari budaya bangso lain adolah pado kasus pahatan pualam Parthenon, nan diambiak dari Yunani dek Lord Elgin (Thomas Bruce, Earl Elgin ka-7) pado taun 1805. Walaupun inyo mangklaim alah manarimo otorisasi dari Kasultanan Utsmaniyah, sajak Yunani mandapekan baliak kamardekaannyo pado taun 1832, satiok pamarentahan nagara itu baturuik-turuik salalu mangajuan petisi untuak pangambalian baliak pahatan pualam Parthenon tasabuik.

Iasan kapalo Montezuma adolah contoh lain dari potongan bando budaya nan tasiso di museum asing, yaitu Museum Etnologi di Wina, nan marupoan sumber pasalisiahan antaro Austria jo Meksiko dek karano alah indak ado lai potongan sarupo tu nan tasiso di Meksiko.

• Bennett, Tony (1995). The Birth of the Museum: History, Theory, Politics. London: Routledge. ISBN 978-0-415-05387-7. OCLC 30624669. 
• Conn, Steven (1998). Museums and American Intellectual Life, 1876–1926. Chicago: The University of Chicago Press. ISBN 0-226-11493-7. 
• Cuno, James (2013). Museums Matter: In Praise of the Encyclopedic Museum. Chicago: The University of Chicago Press. ISBN 978-0-226-10091-3. 
• Findlen, Paula (1996). Possessing Nature: Museums, Collecting, and Scientific Culture in Early Modern Italy. Berkeley: University of California Press. ISBN 0-520-20508-1. 
• Marotta, Antonello (2010). Contemporary Milan. ISBN 978-88-572-0258-7. 
• Murtagh, William J. (2005). Keeping Time: The History and Theory of Preservation in America. New York: Sterling Publishing Company. ISBN 0-471-47377-4. 
• Rentzhog, Sten (2007). Open air museums: The history and future of a visionary idea. Stockholm and Östersund: Carlssons Förlag / Jamtli. ISBN 978-91-7948-208-4
• Simon, Nina K. (2010). The Participatory Museum. Santa Cruz: Museums 2.0
• van Uffelen, Chris (2010) (dalam bahaso de). Museumsarchitektur. Potsdam: Ullmann. ISBN 978-3-8331-6033-2.  – also available in English: Contemporary Museums – Architecture History Collections. Braun Publishing. 28 April 2010. ISBN 978-3-03768-067-4. 
• Yerkovich, Sally (2016). A Practical Guide to Museum Ethics. Lanham: Rowman & Littlefield. ISBN 9781442231641. 
• "The Museum and Museum Specialists: Problems of Professional Education, Proceedings of the International Conference, 14–15 November 2014" (PDF). St. Petersburg: The State Hermitage Publishers. 2015. Diarsipkan dari versi asli (PDF) tanggal 10 May 2017. Diakses tanggal 6 December 2016. 

•   Media tantang Museums di Wiki Commons
• International Council of Museums
• Museum Saluruah Dunia Archived 2021-11-04 di Wayback Machine.
• VLmp direktori museum
• Museums di Proyek Direktori Tabukak