Cigak

Cigak
Cigak ikua panjang (Macaca fascicularis)
Klasifikasi ilmiah
Kingdom:	Animalia
Phylum:	Chordata
Class:	Mammalia
Order:	Primata
Suborder:	Haplorrhini
Familia
Pakiroan panyebaran cigak di saluruah dunia.

Cigak adolah istilah untuak manyabuik sado anggota primata nan indak tamasuak prosimia ("pra-karo", sarupo lemur jo tarsius) atau karo, baik nan tingga di Dunia Lamo maupun Dunia Baru. Inggo kini ko ado dikana 264 jinih cigak nan iduik di dunia. Babedo jo karo, cigak biasonyo baikua jo baukuran labiah ketek. Cigak dikataui dapek baraja jo mamakai alaik untuak mambantunyo dalam mandapekan makanan.

 

Jinih-jinih cigak babedo-bedo ukuran badannyo; dari nan ketek macam pygmy marmoset nan panjangnyo anyo 117 milimeter (4.6 in) ditambah ikuanyo 172 milimeter (6.8 in) dan bareknyo nan labiah saketek sajo dari 100 gram (3.5 oz), inggo ka nan gadang macam mandrill jantan nan panjangnyo ampia 1 meter (3.3 kaki) dan bareknyo nan sampai 36 kilogram (79 lb). Babarapo jinih cigak basipaik arboreal (iduik di batang pohon), samantaro nan lain iduik di savanna; salain itu makanannyo pun babedo-bedo pulo antaro tiok spesies, tapi umumnyo tamasuak salah satu dari makanan barikuik: buah-buahan, dedaunan, biji-bijian, kacang-kacangan, bamacam bungo, bamacam talua, sarato binatang ketek (sarupo saranggo jo lawah).