Yerusalem

Kota iko dianggap suci dalam tigo agamo Abrahamik utamo—Yahudi, Kristen, dan Islam.

Yerusalem أُورُشَلِيمَ • ירושלים
Kota
Dari kida ateh: Yerusalem dicaliak dari Biaro Mar Elia, suq di kota tuo, pusek balanjo Mamilla, Gaduang Knesset, Kubah Shakhrah, Manaro Daud, jo Tembok Barat
Bendera Lambang Lambang Logo
Julukan: Ir ha-Kodesh (Kota Suci), Baitulmaqdis (Rumah Kasucian)
Yerusalem Lokasi Yerusalem
Koordinat: 31°47′N 35°13′E / 31.783°N 35.217°E / 31.783; 35.217
Diklaim dek	Palestina[vii]
Dikalola dek	Palestina
Distrik Palestina	Yerusalem
Kegubernuran Palestina	Yerusalem
Pamarintahan
• Jinih	Wali kota–Dewan
• Lembaga	Munisipalitas Yerusalem
• Wali Kota Israel (Barat)	Moshe Lion (Likud)
• Wali Kota Palestina (Timur)	Zaki al-Ghul (tituler)
Laweh
• Kota	125.156 dunams (125,156 km2 or 48,323 sq mi)
• Metro	652,000 dunams (652 km2 or 252 sq mi)
Katinggian	754 m (2,474 ft)
Panduduak (2013)
• Kota	890,428
• Kapadatan	6.400/km2 (17,000/sq mi)
• Metro	1,029,300
Demonim	Yerusalem Qudsi/Maqdisi (dipakai dek urang Palestina)
Zona wakatu	(UTC+2)
• Musim paneh (DST)	(UTC+3)
Kode wilayah	Panggilan lua nagari: +972-2 Panggilan lokal: 02
Situs web	jerusalem.muni.il[iv]

Sapanjang sijarahnyo nan panjang, Yerusalem panah dihancuakan saindaknyo duo kali, dikapuang 23 kali, disarang 52 kali, dan dirabuik sarato dirabuik-baliak 44 kali. Bagian paliang tuo kota iko manjadi tampek pamukiman pado milenium ka-4 SM. Pado taun 1538 dibangun tembok di sakitar Yerusalem dalam pamarintahan Suleiman Al-Qanuni. Kini tembok tasabuik mangaliliangi Kota Lamo, nan mano sacaro tradisi tabagi manjadi ampek bagian—sajak mulo abaik ka-19 tanamo sabagai Kawasan Armenia, Kristen, Yahudi, dan Muslim. Kota Lamo manjadi sabuah Situs Warisan Dunia pado tahun 1981, dan tamasuak dalam Daftar Situs Warisan Dunia nan dalam Bahayo. Yerusalem modern alah bakambang jauah malampaui bateh-bateh Kota Lamo.

Manuruik tradisi Alkitab, Rajo Daud marabuik kota ko dari suku Yebus dan kudian didirikan sabagai ibu kota Karajaan Israel Basatu; putranyo, Rajo Salomo, mamarintahkan pambangunan Bait Partamo. Kajadian-kajadian pokok iko, sajak pamuloan millenium ka-1 SM, mamiliki peranan sentral sacaro simbolis untuak urang-urang Yahudi. Julukan kota suci (עיר הקודש, ditransliterasikan ‘ir haqodesh) mungkin disamekkan ka Yerusalem pado pasca-periode pambuangan. Kasucian Yerusalem dalam Kristen, tajago dalam Septuaginta nan diadopsi kaum Kristen sabagai otoritasnyo surang, dipajaleh dek catatan Pajanjian Baru tantang panyaliban Yesus di sinan. Dalam pandangan Islam Sunni, Yerusalem adolah kota paliang suci katigo salapeh Makah jo Madinah. Dalam tradisi Islam, pado tahun 610 M Yerusalem manjadi kiblat partamo, yaitu arah nan dituju dalam salat, dan Muhammad malakukan Pajalanan Malam di sinan 10 taun kudian, naiak ka sarugo di tampek liau babicaro kapado Allah, manuruik Al-Qur'an. Alhasil, walaupun hanyo marupokan daerah salaweh 0,9 kilometer persegi, Kota Lamo mamiliki banyak situs pantiang kaagamoan nan sangaik bapangaruah, di antaronyo yaitu Bukik Bait Suci atau Musajik Al-Aqsha, tamasuak di dalamnyo Jami' Al-Aqsha, Kubah Batu atau Kubah Shakhrah, jo Tembok Barat; Gareja Makam Kudus, jo Makam Taman.

Kini status Yerusalem tatap manjadi salah satu isu utamo dalam Konflik Israel dan Palestina. Salamo Parang Arab-Israel 1948, Yerusalem Barat tamasuak ciek daerah nan dirabuik dan kudian dianeksasi dek Israel; sadangkan Yerusalem Timur, tamasuak Kota Lamo, dirabuik dan kudian dianeksasi dek Yordania. Israel marabuik Yerusalem Timur dari Yordania pado Parang Anam Hari taun 1967 dan salapeh itu maaneksasinyo ka dalam Yerusalem, basamo jo tambahan wilayah di sakitarnyo.^[viii] Salah satu Hukum Dasar Israel, yaitu Hukum Yerusalem taun 1980, manyabuik Yerusalem sabagai ibu kota nan tak tabagi dari nagara tasabuik. Sadoalah bidang pamarintahan Israel barado di Yerusalem, tamasuak Knesset (parlemen Israel), unian Perdana Menteri dan Presiden, sarato Mahkamah Agung. Walau masyarakaik internasional manulak aneksasi tasabuik jo manyabuiknyo ilegal dan mampalakukan Yerusalem Timur sabagai teritori Palestina nan diduduaki dek Israel, Israel mampunyoi suatu klaim nan labiah kuek untuak kadaulatannyo ateh Yerusalem Barat. Masyarakaik internasional indak mangakui Yerusalem sebagai ibu kota Israel, dan indak ado kadutaan asiang nan didirikan di kota iko. Di Yerusalem ado juo babarapo lembaga Israel non-pamarintah nan bakapantiangan nasional, misalnyo Universitas Ibrani jo Museum Israel jo Shrine of the Book di lapangannyo.

Pado taun 2011 Yerusalem mamiliki populasi 801.000 panduduak, di antaronyo tadiri dari 497.000 panganuik agamo Yahudi (62%), 281.000 (35%) panganuik Islam, 14.000 (sakitar 2%) panganuik Kristen, dan 9.000 (1%) indak dikalompokkan manuruik agamo.