Tafsir al-Jalalain (bahaso Arab: تفسير الجلالين Tafsīr al-Jalālayn, arti harfiah: tafsir duo Jalal) adolah sabuah kitab tafsir al-Qur'an tanamo, nan awalnyo disusun oleh Jalaluddin al-Mahalli pado tahun 1459, dan kamudian dilanjuikan dek muriknyo Jalaluddin as-Suyuthi pado tahun 1505.
Kitab tafsir ko umumnyo dianggap sabagai kitab tafsir klasik Sunni nan banyak dijadikan rujuakan, sabab dianggap murah dipahami dan terdiri dari hanyo sajilid sajo.
Jalaludin al-Mahalli mangawali panulihan tafsir sajak dari awal surah Al-Kahfi sampai jo akhia surah An-Naas, sesudah itu baliau manafsirkan surah Al-Fatihah sampai salasai. Al-Mahalli kamudian maningga sabalum sampek melanjuikkannyo. Jalaluddin as-Suyuthi kamudian malanjuikannyo, dan mamulai dari surah Al-Baqarah sampai dengan surah Al-Isra'. Kamudian baliau malatakkan tafsir surah Al-Fatihah pado bagian akhia urutan tafsir dari Al-Mahalli nan sabalumnyo. Namun, masih ado pabedoan pandapek tantang kadar karajo masiang-masiang panafsir tasabuik.
This article uses material from the Wikipedia Minangkabau article Tafsir al-Jalalain, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.