Anyaman

Anyaman acok dibuek dari bahan nan barasa dari tumbuhan, tapi saraik plastik dapek pulo digunoan. Bahan nan digunoan bisa bagian apo se dari tanaman, misalnyo inti batang tebu atau rotan atau kasaluruhan taba tanaman, takah misalnyo dedalu. Bahan lainnyo nan tanamo digunaon sabagai anyaman adolah gelagah jo bambu. Biasonya rangkanyo dibuek dari bahan nan labiah kaku, sudah itu bahan nan labiah lentur digunoan untuak maisi rangka. Anyaman basifat ringan tapi kuek, majadiannyo cocok sabagai parabot nan dapek dipindah-pindah. Anyaman acok pulo dijadian perabot di surambi jo teras.

Barang anyaman baguno untuk babagai kaparluan tamasuak takah peralatan dapur. Di Sumatra Barat, benda hasil anyaman nan umum takah kampie nasi, sumpik nasi, kambuik, katidiang, karanjang, niru, laka, sanggan, jo tapisan santan.

Alaik nan digunoan untuak mangarajoan anyaman biasonyo sederhana, yaitu /adiang atau golok, kampak jo gergaji untuak manebang jo memotong bambu, pisau untuak maoah pandan, mansiang, rotan, jo lidi. Bahan anyaman cukup banyak tersedia takah bambu, rotan, mansiang, pandan, lidi karambia, jo lidi enau.

Hasil karajinan anyaman tagantuang dari bahan nan digunonan. Pandan digunoan untuak mambuek lapiak, sumpik, atau karuang tampek menyimpan bareh. Mansiang, sabangso rumpuik gelagah, untuak mambuek lapiak, sumpik, jo kampia. Dari bambu, dibuek niru, katidiang, atau bakul jo karanjang. Rotan untuak mambuek karanjang jo tapisan santan, samantaro dari lidi dibeuk sanggan jo aka.