Inggirih: Nagara
Inggirih (bahaso Indonesia: Inggris) adolah sabuah nagaro nan marupoan bagian dari Baritania Rayo.
- Untuak negara banamo Baritania Rayo nan acok juo disabuik Inggirih, caliak Baritania Rayo.
Nagaro iko babatehan jo Skotlandia di sabalah utara, Wales di sabalah barat, Lauik Irlandia di sabalah barat lauik, Lauik Keltik di barat daya, sarato Lauik Utara di sabalah timur, dan Salek Inggirih, nan mamisahannyo dari banua Eropa, di sabalah selatan. Sabagian gadang wilayah Inggirih tadiri dari bagian tangah dan selatan Pulau Baritania Rayo di Atlantik Utara. Inggirih mancakuik pulo labiah dari 100 pulau-pulau ketek bantuak Pulau Scilly dan Pulau Wight.
Inggirih | |
|---|---|
 Bandera  Lambang | |
Lagu kebangsaan: Indak ado (de jure) God Save the King (de facto) | |
 Lokasi Inggirih (ijau tuo) – di benua Eropa (ijau mudo & abu-abu tuo) | |
| Ibu kota (dan kota paliang gadang) | London |
| Bahaso resmi | Inggirih (de facto) |
| Bahaso daerah nan diakui | Kernowek |
| Kalompok etnik (2009 ) | 87.5% Kulik putiah, 6.0% Asia Selatan, 2.9% Kulik itam, 1.9% Ras campuran, 0.8% Cino, 0.8% Lain-lain |
| Demonim | English |
| Pamarintahan | Negara non-devolusi konstituen jo monarki konstitusional |
• Monarki | Charles III |
| Vacant | |
| Legislatif | Parlemen Baritania Rayo |
| Area | |
• Total | 130.395 km2 (50.346 sq mi) |
| Populasi | |
- Sensus Panduduak 2011 | 53.013.000 |
- Kapadatan | 407/km2 |
| Mato uang | Pound sterling ( GBP) |
| Zona wakatu | GMT (UTC0) |
- Musim panas (DST) | UTC+1 (BST) |
| Format tanggal | hh/bb/tttt (AD) |
| Lajua kamudi | kida |
| Kode telepon | +44 |
| Santo pelindung | Santo George |
| Ranah Internet | .uk |
Wilayah nan kiniko banamo Inggirih patamo kali diuni dek manusia modern salamo pariode Paleolitikum, tapi namo Inggirih (England) ko barasal dari kato Angles, nan marupoan salah satu suku Jermanik nan manatek di situ pado abek ka-5 dan ka-6. Inggirih manjadi nagaro basatu pado taun 927 M, dan samanjak Zaman Panjalajahan nan dimulai pado abaik ka-15, Inggirih alah mambarikan pangaruah budayo jo hukum nan signifikan ka saluruah dunia ko. Bahaso Inggirih, Gereja Anglikan, dan hukum Inggirih – nan manjadi dasar sistem hukum nagaro-nagaro lain di dunia – barasal atau dikambangkan di Inggirih, dan sistem parlementer nagaro ko lah banyak pulo dicontoh dek nagaro-nagaro lainnyo. Revolusi Industri nan tajadi pado abek ka-18 manjadian Inggirih sabagai nagaro industri partamo di dunia. Royal Society Inggirih baparan pulo dalam malatak an dasar-dasar sains untuak pakambangan ilmu pangatahuan jo teknologi.
Topografi Inggirih ampia sadonyo tadiri dari dataran randah dan bukik-bukik, khususnyo di Inggirih bagian tangah dan selatan. Dataran tenggih tadapek di bagian utara (contohnyo di pagunuangan Danau District, Pennines, sarato Yorkshire Dales) dan di barat daya (contohnyo Dartmoor dan Cotswolds). Ibu kota Inggirih dulunyo adolah Winchester, satalah tu digantian dek London pado taun 1066. Kini, London adolah wilayah metropolitan nan paliang gadang di Baritania Rayo dan zona parkotaan nan paliang gadang di Uni Eropa manuruik lueh wilayah. Panduduak Inggirih bajumlah sakitar 53 juta jiwa, atau sakitar 84% dari total populasi Baritania Rayo sacaro kasaluruahan, panduduak-panduduak ko tapusek di London, Inggirih Tenggara, dan di Midlands.
Karajaan Inggirih (satalah taun 1284 tamasuak pulo Wales) adolah sabuah nagaro badaulek sampai tanggal 1 Mai 1701. Satalah tu, Undang-Undang Kasatuan nan manyatokan bahwa Karajaan Inggirih dan Karajaan Skotlandia disatukan sacaro politik untuak mambantuak Karajaan Baritania Rayo disahkan pado taun 1707. Pado taun 1801, Baritania Rayo basatu jo Karajaan Irlandia satalah disahkannyo Undang-Undang Kasatuan 1800 dan kamudian namonyo baganti manjadi Karajaan Basatu Baritania Rayo dan Irlandia. Pado taun 1922, Negara Bebas Irlandia badiri sabagai domini nan tapisah, namun anam county di Irlandia Utara tatek mamiliah untuak manjadi bagian dari Baritania Rayo, nan kamudian mambantuak Karajaan Basatu Baritania Rayo dan Irlandia Utara, yaitunyo konteks Baritania Rayo nan dikenal sampai kini ko.
Caliak pulo
- Geografi Inggirih
- Bangsa Inggirih
- Bahaso Inggirih
- Baritania Rayo
Catatan
Rujuakan
Pranala lua
| Cari tau tantang England di proyek-proyek Wiki lainnyo: | |
 | Definisi dan terjemahan dari Wiktionary |
 | Gambar dan media dari WikiCommons |
 | Berita dari Wikinews |
 | Kutipan dari Wikiquote |
 | Teks sumber dari Wikisource |
 | Buku dari Wikibooks |
- (Inggirih) Situs rasmi Pamarintahan Baritania Rayo
- (Inggirih) English Heritage – badan nasional nan malinduangi situs basijarah di Inggirih
- (Inggirih) Natural England – kaiduikan alam di Inggirih
- (Inggirih) Enjoy England – situs rasmi pariwisata Inggirih
- (Inggirih) BBC England – informasi Inggirij di BBC
OpenStreetMap mampunyoi data geografis tantang Inggirih
Caliak panduan wisata Inggirih di Wikivoyage
This article uses material from the Wikipedia Minangkabau article Inggirih, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.