Papa

Sa Simbahan Katoliko, an Papa, parati inaapod Santo Papa sa Filipinas, hinihiling na siya an kasalihid ni San Pedro, si Apostol. An katongdan kan Papa ngonyan yaon asin kapot ni Papa Francisco (pangaran, Jorge Mario Bergoglio) poon pa kan taon 2013.

An opisina kan Papa inaapod na papado asin an eklesiastikal na sakop kaini inaapod man na Santa Sede o Sede Apostoliko. An papa iyo man an Pamayo kan Siyudad nin Vaticano, sarong siyudad-estado na may sadiring soberania na napapalibotan na entero kan syudad nin Roma.

An papado saro sa hustong gayong nagdadanay na institusyon sa kinaban asin may prominenteng papel sa historya nin tawo. Kan mga amay na panahon an mga Papa nagtabang na gayo sa pagpalakop kan Kristianismo asin sa paghimukat kan mga disliso sa doktrina. Sa Tangang Panahon, an mga papa nangawat nanggad sa papel na sekular, minsan nagigin taga-areglo sa mga iriwal kan mga Kristiyanong monarkiya. Sa ngonyan, laen pa kan pagpalakop kan Katolikong Pagtubod, an mga Papa nagtataong doon asin atensyon sa ekumenismo, asin pag'orolay sa pag'oltan kan iba-ibang relihiyon, mga gibong-herak, asin an pagsurog sa mga naapi orog na sa lantad nin pangtawong deretso..

• Catholic Encyclopedia entry
• Pope Endurance League - Sortable list of Popes
• Data Base of more than 23,000 documents of the Popes in latin and modern languages
• The Holy See - The Holy Father—website for the past and present Holy Fathers (since Pope Leo XIII)
• "papacy." Encyclopædia Britannica. 2009. Encyclopædia Britannica Online
• Origins of Peter as Pope Archived 2011-09-04 at the Wayback Machine.
• The Authority of the Pope: Part I Archived 2011-09-03 at the Wayback Machine.
• The Authority of the Pope: Part II Archived 2011-09-04 at the Wayback Machine.