Papa (de l latin papa ó pappa, papá ó papai, tutor, deribado por sue beç de l griego πάππας, páppas, forma afetuosa de pai) ye l títalo dado al xefe supremo de la Eigreija Católica, Bispo de Roma, i tamien xefe de l Stado de l Baticano i Patriarca de la Eigreija Lhatina ó Oucidental.
L Papa ye l Sucessor de San Pedro, cunsiderado l Bigário de Cristo i perpétuo i bisible percípio i fundamiento de la ounidade de la Eigreija. Quando referido cumo cargo eclesiástico, surge cumo Sumo Pontífice, la outoridade suprema. L atual Papa, Francisco, fui eileito an 13 de márcio de 2014.
Ls papas auxiliórun na propagaçon de l cristandade i a resulber dibersas çputas doutrinárias. L Papa ye auxiliado pula Cúria Romana, ne l gobierno de la Eigreija Católica. La persença tradicional de l Papa an Roma nun oubriga la que l Papa resida na cidade. Tal acuntiu quando, antre 1309 i 1378, la residéncia papal se stableciu an Abinhon (Abignon, sul de Fráncia).
La purmeira mençon coincida de l títalo de Papa data de l seclo III, nua eipígrafe nas catacumbas de San Calisto an Roma, na qual un cierto diácono Sebero, tenendo scabado un cubiclo duplo para si i sue família, pus habie morrido sue filha de dieç anhos, diç tener sido outorizado por "papae sui Marcellini", esto ye, l Papa Marcelino (296-304).
L Papa formalmente ten ls títalos de Vispo de Roma, Bigário de Cristo, Sucessor de l Príncepe de l Apóstolos, Supremo Pontífice, Primaç de Eitália, Arcebispo i Metropolita de la Porbíncia Romana, Soberano de l Stado de l Baticano i Serbo de l Serbos de Dius. L Papa Bento XVI renunciou al títalo de "Patriarca de l Oucidente" de la lhista de l apelatibos papales de l anuário pontifício de 2006. L pronome de tratamiento própio de l Papa ye "Sue Santidade"
A eileiçon dun Papa ye feita atrabeç de botaçon (secreta zde 1274) de l cardeales cun menos de 80 anhos i reunidos nun cunclabe. An teorie, qualquier home batizado puode ser eileito para Papa, ambora ne ls redadeiros 800 anhos solamente téngan sido eileitos Cardeales. L cargo ye bitalício i, até agora, solo l Papa Celhestrino B del resignou, retornando a la bida monástica.
Mt 16, 18-19: "I you te declaro: tu sós Pedro i subre esta piedra eidificarei a mie Eigreija; las puortas de l anferno nun prebaleciran contra eilha. You te darei las chabes de l Reino de l Cielos: todo l que lhigares na tierra será lhigado ne ls cielos, i todo l que çligardes na tierra, será çligado ne ls cielos". Essa ye la passaige mais fundamental para l papado, pus Jasus Cristo cuncede claramente l Primado al Apóstolo Pedro, depuis Bispo de Roma, i sous sucessores, cumo eidificador i lhíder terreno de to la Eigreija. Isaías 22: 20-23. "Naquel die chamarei miu serbo Eiliacin, filho de Heilcias. Rebesti-lo-ei cula tua túnica, cingi-lo-ei cul tou cinto, i le transferirei ls tous poderes; el será un pai para ls habitantes de Jerusalén i para casa de Judá. Ponerei subre sous ombros la chabe de la casa de Dabi; se el abrir, naide fechará, se ancerrar naide abrirá; fixá-lo-ei cumo crabo an lhugar firme, i el será un trono de honra para la casa de sou pai." (Mostra un paralelo cun Mt 16, 17-20) João 21:15-17: "Tenendo eilhes comido, Jasus preguntou a la Simon Pedro: "Simon, filho de João, amas-me mais de l que estes?" Respundiu el: "Si, Senhor, tu sabes que te amo." Dixe-le Jasus: "Apascenta ls mius cordeiros". (Apascentar quier dezir doutrinar.) |
L Papa çpone, para ls católicos, de la Suprema Outoridade relegiosa an matéria de fé i moral. Ye eigualmente quien aproba i preside las cerimónias de beatificaçon ó canonizaçon, i a la nomeaçon de Cardeales. Al Papa cabe spedir mandato para la Sagraçon de Bispos ne l mundo to i nanhun bispo puode sagrar outro bispo sin sue aprobaçon.
L Cuncílio de l Baticano I de 1869-1870 definiu l dogma de la "Anfalibilidade Papal", pul qual ls pronunciamientos solenes ("ex- catedra") de l Papa a respeito de la fé i de la moral nun apersentan possibilidade de erro. Zde que fui stablecida, la anfalibilidade papal fui ousada ua sola beç, pul Papa Pio XII para declarar l dogma de la Assunçon de Marie de cuorpo i alma al cielo ne ls anhos 50. Muitos Papas fúrun canonizados cumo santos ne l decorrer de la stória.
La antiguidade de l statuto secular i de cunduçon de assuntos de stado de l Papa ye demunstrada yá na cunfrontaçon de l Papa Lhion I cun Átila an 452 i oumentou sustancialmente an 754, quando l lhíder de l francos Pepino, l Brebe dou al Papa un território que formarie la base de l feturos Stados Papales. Ne l anho 800, l Papa Lhion III corou Carlos Magno cumo Amperador, passo decisibo ne l camino para l Sacro Ampério Romano. Zde essa data tornou-se ua tradiçon la coroaçon de l Amperadores pul Papa, até Carlos B. Napoleon Bonaparte fizo rebibir essa tradiçon fazendo-se coroar de l mesmo modo.
Cunjuntamente cula posiçon de l Papa cumo regente territorial i príncepe de la Cristandade (specialmente proeminente cun ls Papas de la Renacença cumo Alexandre BI i Júlio II) , i cumo lhíder spritual de l Sacro Ampério Romano (mais relebante cun Papas cumo Griegório BII i Alexandre III) , l Papa, cumo Supremo Pontífice, ten outoridade política i temporal. Alguns de l eisemplos al lhongo de la stória son la bula Lhaudabiliter an 1155 (que outoriza Anrique II de Anglaterra a ambadir la Irlanda), la bula Manifestus Porbatun que reconhece la andependéncia de Pertual, la bula Anter Caeteras an 1493 (que cunduç al Tratado de Tordesilhas ne l anho seguinte, debedindo l mundo antre Pertual i Spanha) ó la bula Anter Grabissimas de 1582 (que stablece l calendário griegoriano, atualmente an uso).
Ne ls dies de hoije, l papel político de l Papa traduç-se ne l eisercício dun cargo cerimonial, relegioso i diplomático de grande amportança.
Até 1870 la outoridade temporal de l Papa eisercia-se subre un território ne l centro de la Eitália, chamado Stados Papales ó Stados Pontifícios, mui mais basto de l que l pequeinho stado de l Baticano de hoije.
Diç-se inda que la palabra Papa puoda tener se ouriginado dua de las dues teories ambaixo:
Modelo:Wikcionário Modelo:Wikinews
Modelo:Catadorie
Antre ls sucessores de San Pedro fúrun eileitos:
This article uses material from the Wikipedia Mirandés article Papa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.