ནང་བསྟན།

༄༅།།ལྷ་བྲིས།

   ཡོང་ཁུངས་།དུང་དཀར་ཚིག་མཛོད་ཆེན་མོ།    རྩོམ་པ་པོ། དུང་དཀར་བློ་བཟང་འཕྲིན་ལས།

རང་རའི་བོད་འདིར་གནའ་སྔ་མོ་ལོ་ཉིས་སྟོང་ལྷག་ཙམ་གྱི་སྔོན་ནས་རི་མོ་འབྲི་བའི་ལག་རྩལ་དར་ཡོད་པ་སྟེ། ད་ཡོད་ཀྱི་དཔྱད་གཞིའི་ཡིག་ཆ་ཁག་གཞིར་བཟུང་ན། སྤྱི་ལོའི་སྔོན་གྱི་ལོ་ཉིས་བརྒྱ་ཙམ་གྱི་དུས་བོད་ཀྱི་རྒྱལ་པོ་དང་པོ་གཉའ་ཁྲི་བཙན་པོ་བྱུང་བ་དང་དེའི་ཕོ་བྲང་ཡུམ་བུ་ལྷ་མཁར་བཞེངས་སྐབས་ལྡེབས་བྲིས་སུ་རྒྱལ་པོ་གཉའ་ཁྲི་བཙན་པོ་རང་ཉིད་མི་བཞིས་གཉའ་བར་ཁྲི་བྱས་ཏེ་བཏེགས་ནས་རྒྱལ་པོར་བསྐོས་ཚུལ་བྲིས་པ་དང་། རྒྱལ་པོ་སྲོང་བཙན་སྒམ་པོས་ལྷ་ས་གཙུག་ལག་ཁང་གསར་བཞེངས་སྐབས་ལྡེབས་བྲིས་སུ་རོ་སྒྲུང་དང་། གབ་ཚིག་གི་སྒྲུང་སྣ་ཚོགས་ཀྱི་རི་མོ་དང་། ལྷ་ས་གཙུག་ལག་ཁང་བཞེངས་པའི་ལོ་རྒྱུས་དང་།རྒྱ་བཟའ་ཀོང་ཇོ་བོད་དུ་ཕེབས་པར་རྒྱལ་བློན་འབངས་བཅས་ཀྱིས་དགའ་བསུ་སྣེ་ལེན་ཧ་ཅང་རྒྱས་པོ་བྱས་པའི་གནས་ཚུལ་དང་། སྐབས་དེའི་ཕོ་བྲང་པོ་ཏ་ལའི་འདྲ་རིས། དེ་རྗེས་དུས་རབས་བརྒྱད་པའི་དཀྱིལ་དུ་རྒྱལ་པོ་ཁྲི་སྲོང་ལྡེ་བཙན་གྱིས་སྲིད་དབང་བཟུང་རྗེས་བསམ་ཡས་གཙུག་ལག་ཁང་བཞེངས་སྐབས། གཙུག་ལག་ཁང་གི་འཁོར་སའི་མཐའ་བསྐོར། (བར་ཁྱམས་ཀ་ཕིབས)གཡས་གཡོན་དུ་བསམ་ཡས་གཙུག་ལག་ཁང་བཞེངས་པའི་ལོ་རྒྱུས་དང་། ལྷ་ཁང་བཞེངས་ཚར་བའི་དགའ་སྟོན་རྟེན་འབྲེལ་གྱི་ཟློས་གར་དང་། ལུས་རྩལ། རིགས་མི་འདྲ་བ་སྣ་ཚོགས་བྱས་པའི་གནས་ཚུལ་རྣམས་ལྡེབས་བྲིས་སུ་བྲིས་ཡོད་པའི་ནང་ནས་ཁག་གཅིག་ད་ལྟའང་མཐོང་རྒྱུ་ཡོད། དེ་ནས་ཡོན་རྒྱལ་རབས་ཀྱི་དུས་ས་སྐྱ་ལྷ་ཁང་ཆེན་མོ་དང་། ཞ་ལུའི་ལྷ་ཁང་ཆེན་མོ་བཞེངས་སྐབས་བྲིས་པའི་ཐང་ཀ་དང་། ལྡེབས་བྲིས་ཁག་གཅིག་དང་། མིང་རྒྱལ་རབས་ཀྱི་རྒྱལ་རྩེ་དཔལ་འཁོར་ཆོས་སྡེར་བཞེངས་པའི་ཐང་ཀ་དང་། ལྡེབས་བྲིས་ཁག་བཅས་(《བོད་ཀྱི་དུས་རབས་རིམ་པའི་མཛེས་རྩལ་རི་མོ་ཕྱོགས་བསྡུས》ཞེས་པའི་བརྙན་དཔར་ནང་གཟིགས)དེ་རྗེས་མིང་རྒྱལ་རབས་ཀྱི་གོང་མ་ཡུང་ལོས་མཚུར་ཕུ་ཀ་རྨ་པ་དང་། རྗེ་ཙོང་ཁ་པར་བོད་ལུགས་ཀྱི་ལྷ་སྐུའི་ཐགས་གྲུབ་མའི་ཐང་ཀ་མང་པོ་ཞིག་འབུལ་རྒྱུ་བསྐུར་བ་(ཁག་བོད་རང་སྐྱོང་ལྗོངས་རིག་གནས་དོ་དམ་ཁང་ནས་ཉར་ཚགས་བྱས་ཡོད)ནས་བོད་ཀྱི་ལྷ་བྲིས་མཁས་པ་ཁག་གཅིག་གིས་རྒྱ་མི་རིགས་ཀྱི་རི་མོའི་ལག་རྩལ་སློབ་སྦྱོང་བྱེད་འགོ་ཚུགས་ཤིང་དེའི་ཁྱད་ཆོས་ནི་གཞི་རྩའི་ཐོག་མི་རིགས་རང་ཉིད་ཀྱི་རི་མོའི་མཛེས་རྩལ་རྒྱུན་སྲོལ་མ་ཉམས་པ་གཞིར་བཟུང་ཐོག་རྒྱ་བྲིས་ཀྱི་ལག་རྩལ་ནང་ནས་ལེགས་ཆ་འགའ་ཞིག་བླངས་ཏེ་ཀརྨ་སྒར་བྲིས་དང་། གཙང་བྲིས། ཁམས་བྲིས། དབུས་བྲིས། གསར་རྙིང་སོགས་ལུགས་མི་འདྲ་བ་མང་པོ་བྱུང་། ཏཱ་ལའི་བླ་མ་སྐུ་ཕྲེང་ལྔ་པ་ནས་བདུན་པའི་བར་གྱི་དུས་སྐབས་དེར་བོད་ཀྱི་རི་མོའི་ལག་རྩལ་ཡང་རྩེར་སོན་པའི་དུས་སྐབས་ཡིན། དུས་སྐབས་དེའི་རི་མོའི་མཚོན་བྱེད་ནི་ཕོ་བྲང་དཀར་པོ་དང། དམར་པོའི་ཚོམས་ཆེན་དང་། གཟིམ་ཆུང་ཁག་གི་ལྡེབས་བྲིས། སྐུ་ཕྲེང་བདུན་པས་དངོས་སུ་ལྗགས་བཀོད་གནང་ནས་བྲིས་པའི་ཕོ་བྲང་དམར་པོའི་བློས་བསླངས་ཁང་གི་ལྡེབས་བྲིས་བཅས་ལ་གཟིགས། ཏཱ་ལའི་བླ་མ་སྐུ་ཕྲེང་བརྒྱད་པའི་དུས་ནས་བཟུང་བོད་ཀྱི་རི་མོའི་ལག་རྩལ་ཐོག་ཁག་གཉིས་ཆགས་ཏེ། ཁག་གཅིག་གིས་མི་རིགས་རང་ཉིད་ཀྱི་ཁྱད་ཆོས་རྒྱུན་འཛིན་བྱས་པ་དང་། ཁག་གཅིག་གིས་རང་ཉིད་ཀྱི་ཁྱད་ཆོས་ལ་སྣང་ཆུང་བྱས་ཏེ་ཙི་ནའི་རིགས་ཀྱི་རི་མོའི་ལད་ཟློས་བྱས་སྟབས་ལྕམ་ལགས་ཀྱི་འགྲོ་སྟངས་མ་ཤེས། བུ་མོ་རང་གི་འགྲོ་སྟངས་ཡང་ཤོར་འདུག་ཟེར་བའི་གཏམ་དཔེ་ལྟར་གྱུར་ཡོད་པ་ནི་སྐབས་དེར་བྲིས་པའི་རི་མོ་ཁག་གཅིག་སེ་འབྲས་གཉིས་དང་། ནོར་བུ་གླིང་ཁར་ཡོད་པ་རྣམས་ལ་གཟུགས་ན་གསལ། པོ་ཏ་ལའི་ཕོ་བྲང་དམར་པོ་གསར་བཞེངས་སྐབས་བོད་ཀྱི་རི་མོའི་ལག་རྩལ་མཁས་པ་ཡོངས་རྫོགས་བསྡུས་པའི་ནང་རིམ་པ་བཞིར་ཕྱེ་འདུག རིམ་པ་དང་པོ་ནི་དབུ་ཆེན་ཡིན་ཞིང་། དེའི་ལས་འགན་ནི་ལྷ་ཁང་དང་། གཟིམས་ཆུང་ཁག་གི་ལྡེབས་བྲིས་དང་། ལྷ་སྐུའི་ཐང་ཀ། གསུང་རབ་གསེར་བྲིས་དང་། དངུལ་བྲིས་ཁག་གི་དབུ་ལྷ། འཇིམ་བཟོ་དང་འབུར་སྐུ་ཁག་གི་སྐྱ་རིས་བྲིས་རྒྱུ་སོགས་གལ་ཆེའི་རི་མོ་རྣམས་རང་ཉིད་ཀྱིས་དངོས་སུ་ལག་བསྟར་བྱས་ནས་བྲིས་དགོས་པ་དང་། ཤིང་ཚོན་ཁག་གི་བཙབས་དཔར་འབྲི་རྒྱུ་དང་། རི་མོ་འབྲི་མཁན་ཡོངས་རྫོགས་ལ་ཞིབ་ཕྲའི་བཀོད་འདོམས་བྱ་རྒྱུ་བཅས་ཡིན། རིམ་པ་གཉིས་པ་ནི་དབུ་ཆུང་ཡིན་ཅིང་། དེས་ལྡེབས་བྲིས་དང་ལྷ་སྐུའི་ཐང་ཀ་ཁག་མང་ཆེ་བ་རང་ཉིད་ཀྱིས་ལག་བསྟར་བྱས་ནས་འབྲི་དགོས་པའི་ཐོག་དབུ་ཆེན་ལ་རོགས་རམ་གྱིས་ལས་འགན་བསྒྲུབ་རྒྱུ་ཡིན། རིམ་པ་གསུམ་པ་ནི་བྱིངས་གྲས་ཡིན། ཁོ་ཚོས་དབུ་ཆེན་གྱིས་བྲིས་པའི་སྐྱ་བྲིས་དང་བཙབས་དཔར་གཞིར་བཟུང་ནས་ཤིང་ཚོན་རི་མོ་རྣམས་འབྲི་རྒྱུ་དང་ཚོན་རྩི་གཏོང་དགོས། རིམ་པ་བཞི་པ་ནི་དཀྱུས་མའི་གྲས་ཡིན། ཁོ་ཚོས་སྤྱིར་བཏང་གི་རི་མོའི་གྲས་དང་། ཚོན་གཏོང་རྒྱུ་དང་། ཚོན་བྱུགས་རྒྱུ། །ཚོན་འདུལ་རྒྱུ། ཚོན་མདངས་སྣ་ཚོགས་བཟོ་རྒྱུ། ཚོན་རྩི་གཏོང་རྒྱུ་བཅས་ཡིན། སྐབས་དེར་དབུ་ཆེན་མི་གཉིས།(ལྷོ་བྲག་བསྟན་འཛིན་ནོར་བུ། གསང་སྔགས་མཁར་པ་ཚེ་འཕེལ་)དབུ་ཆུང་རོང་པ་བསོད་ནམས་རྒྱལ་པོ་སོགས་མི་ལྔ། བྱིངས་གྲས(རྒྱལ་རྩེ་བ་རྒྱལ་པོ་སོགས་)མི་གྲངས་བརྒྱ་དང་དྲུག་ཅུ་རེ་གཅིག དཀྱུས་མའི་གྲས་(ཚེ་རིང་དར་རྒྱས་སོགས་)མི་གྲངས་དྲུག་ཅུ་རེ་གཅིག་བཅས་ཡོད།

ཨ་ཏན་ནས།

Tags:

🔥 Trending searches on Wiki བོད་སྐད:

ལམ་གཙོ་རྣམ་གསུམ་གཏེར་སྟོན་སངས་རྒྱས་གླིང་པ་མུ་ཁྲི་བཙན་པོ།ར་ལུང་དགོན།ཚེ་སྨོན་གླིང་སྡོམ་པ་གསུམ་གྱི་བསྟན་བཅོས་སྙིང་པོ་བསྡུས་པ་མི་ལ་རས་པ་གུང་ཐང་དཀོན་མཆོག་བསྟན་པའི་སྒྲོན་མེ།གཞིས་ཀ་རྩེ་གྲོང་ཁྱེར།ཀུན་བཟང་བླ་མའི་ཞལ་ལུང་ཞང་ཞུང་རྒྱལ་རབས་ཀྱི་བང་སོ།འཛམ་གླིང་འཁྲུག་ཆེན་གཉིས་པ་སིད་ནེ་ཟློས་གར་ཁང་།ལྡེ་སྤྲིན་བཙན།བྱ་ཏེ་རྐང་རྩེད་སྤོ་ལོ།རྡོ་རྗེ་འཇིགས་བྱེད།ཟློས་གར།གཡུ་ཐོག་རྙིང་མ་ཡོན་ཏན་མགོན་པོ།ཧུང་གྷ་རི།ཁྲི་རལ་པ་ཅན།ཏུར་ཀི།སྒྱུ་རྩལ།གཅེར་​བུ་​བའི་​ཆོས་​ལུགས།པུ་ལྡེ་གུང་རྒྱལ།བསམ་གཏན་ས་དགུ་དགེ་རྒན་ཆེན་མོ་ཐུབ་བསྟན་ཕུན་ཚོགས་པཎ་ཆེན་སྐུ་ཕྲེང་དང་པོ་མཁས་དགེ་ལེགས་དཔལ་བཟང་་བར་དོའི་ངོ་སྤྲོད་བསྡུས་པ་རྒྱལ་དབང་སྐུ་འཕྲེང་རིམ་བྱོན།༢༠༠༥ལོ།སྐད་རིགས།གཉགས་ལོ་ཡེ་ཤེས་གཞོན་ནུ་ཆབ་མདོ།རྫས་འགྱུར་རིག་པ།༢༠༡༥ལོ།ཞི་བ་ལྷ།ཕ་དམ་པ་སངས་རྒྱས།ཚེ་རིང་མཆེད་ལྔ་ཚར་ཆེན་བློ་གསལ་རྒྱ་མཚོ།བེ་རི་འཇིགས་མེད་ཀྱི་སྙན་རྩོམ་དེབ་ཕྲེང་གསུམ་པ། གངས་ལྷ་སྒེག་མོའི་ངུ་རྒྱངས།སེར་བྱེས་ལྷ་རམས་པ་རོང་བོ་བློ་བཟང་སྙན་གྲགས།སྒྲོལ་མའི་མཎྜལ་བཞི་ཆོག་པཎ་ཆེན་སྐུ་ཕྲེང་གསུམ་པ་དབེན་ས་པ་བློ་བཟང་དོན་གྲུབ་ཨི་ཤོ་ལེགས།ཕར་ཕྱིན་དྲུག་ཡོངས་འཛིན་ཡེ་ཤེས་རྒྱལ་མཚན་དྲང་པོ།ཁུ་ཁུ་ཤི་རི།སློབ་དཔོན་དཔའ་བོ།ཡེ་ཤུའི་ཆོས་ལུགསལྕང་སྐྱ་རོལ་པའི་རྡོ་རྗེ་སི་ལོ་ཕ་ཁེ།དན་མྲགཡུལ་ཤུལ་བོད་རིགས་རང་སྐྱོང་ཁུལ།སྡོད་རྩར་ཁབ་རྒྱག་པ་པ་ར་གུ་ཡེ།འུ་འཐུང་སྲོག་ཆགས་འཆི་ཁ་བར་དོའི་ངོ་སྤྲོད་གསལ་བའི་མེ་ལོང་འོད་གསལ་ཉི་མའི་སྙིང་པོ་ཧི་མ་ལ་ཡ།མཐུན་གསུམངག་དབང་བློ་བཟང་རྒྱ་མཚོ་རུ་ཝན་ཌ།བླ་མ།ཧིན་ཏུའི་ཆོས་ལུགས།བེ་རི་འཇིགས་མེད་ཀྱི་སྙན་རྩོམ་དེབ་ཕྲེང་དང་པོ། ཟུངས་ཁྲགཁང་རྩིག་བཟོ་རིགཕྱག་འཚལ་སྐབས་འདོན་རྒྱུའི་སྨོན་ཚིགརྩི་ཤིང་རིག་པ།བཀའ་བསྡུས་དོན་འགྲུབ་རྒྱལ🡆 More