Budismu
El budismu es una «doctrina filosófica y religiosa» no teísta pertenecienti a la familia dhármica y, según el vedismu, de tipu nástika.
Derivá del movimientu Sramana, el budismu hue hundau en la Índia en el sigru VI a. C. por Buda Gautama y á íu evolucionandu hata adquiril la gran diversidá actual e escuelas y prácticas. Á avíu ciertas dificultáis pa definil el budismu en Ozidenti.
Estória
El budismu se desarrolló a partil e las enseñanzas difundías pol su hundaor Siddhartha Gautama, al reor del sigru V e.C. en el noresti l'Índia. Experimentó una rápida espansión hata llegal a sel la religión predominanti en Índia en el Sigru III e.C. En esti sigru, el emperaor indiu Aśoka lo hazi religión oficial del su enormi imperiu, mandandu embajás e monjis budistas a tol mundu conocíu entoncis. No será hata el sigru VII cuandu iniciará el su declivi en la su tierra d'origin, manqui pa entoncis ya s'abría espandíu a una hartá territorios. En el sigru XIII avía llegau a la su casi completa desaparición e l'Índia, pero se había propagau con éxitu pola mayor parti del continenti asiáticu.
El budismu á ayudau en la difusión del lenguaji y a l'adopción e valoris humanistas y universalistas. Es una filosofía importanti en Asia dondi s'encuentra presenti en la totalidá los sus paísis. Dendi el sigru pasau s'á espandíu tamién pol restu del mundu. Al carecel d'una deidá suprema pero mostral a la vezi el su carácter salvíficu y universalista, á síu descrita tamién comu fenómenu transcultural, filosofía o métodu de trasformación.
El budismu es, en númeru de seguioris, una las grandis religionis del praneta. Contieni una gran variedá d'escuelas, doctrinas y prácticas que estóricamenti s'án clasificau en budismu Theravāda, Mahāyāna y Vajrayāna.
Huentis
Referéncias
Bibliografía
Atijus
En Commons ai conteníu multimedia sobre Budismu.
Directorius e centrus y grupus budistas
- Federación e Comunidáis Budistas d'España
- Directoriu de centrus, templus y grupus budistas en el mundu hispanohablanti
- Asociación budista Reinu del Dharma
- Observatoriu del pluralismu religiosu en España
Atijus didácticus
This article uses material from the Wikipedia Estremeñu article Budismu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El testu está disponibri baju la Licéncia Creative Commons Attribution/Share-Alike; cláusulas adicionalis puén apricalsi. Guipai Terms of Use pa conocel más detallis. Güiquipeya es una marca rustria la Wiki Du học, una olganización sin ánimu de lucru. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Estremeñu (DUHOCTRUNGQUOC.VN) is an independent company and has no affiliation with Wiki Foundation.