Sains
Ilmu atawa ilmu pangatahuan adalah saluruh usaha sadar gasan manyalidiki, mandapatakan, wan maningkatakan pamahaman manusia nang tabagi di bamacam-macam kanyataan dalam alam manusia.
Sagi-sagi naya dibatasi sakira dihasilakan rumusan-rumusan nang pasti. Ilmu mambariakan kapastian nang mawatasi lingkup pandangannya, wan kapastian ilmu-ilmu didapat matan katarbatasannya.
Ilmu kada sahibar pangatahuan (knowledge), tagal marangkum sakumpulan pangatahuan badasarkan téori-téori nang disamapati wan dapat sacara sistimatik diuji lawan saparangkat métoda nang diakui dalam bidang ilmu tartantu. Diitihi matan sudut pilsapat, ilmu tabantuk marga manusia bausaha bapikir jauh banar sual pangatahuan nang didapatnya. Ilmu pangatahuan adalah produk matan épistémologi.
Ilmu Alam kawa manjadi pasti imbal lapangannya diwatasi ka dalam hal nang bahani (matirial haja), atawa ilmu psikologi kawa maramalakan parilaku manusia amun lingkup pandangannya diwatasi ka dalam sagi umum matan parilaku manusia nang kunkrit. Bakanaan lawan cuntuh naya, ilmu-ilmu alam manjawab tatakunan masalah barapa jauh matahari wan bumi, atawa ilmu psikologi manjawab napa saurang pamudi cucuk manjadi parawat.
Rujukan
This article uses material from the Wikipedia Bahasa Banjar article Sains, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tersedia di bawah CC BY-SA 4.0 kecuali dinyatakan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bahasa Banjar (DUHOCTRUNGQUOC.VN) is an independent company and has no affiliation with Wiki Foundation.