Halloween

Quell articol qì l'è scrivud in Lombard, cond l'ortografia Scriver Lombard.

La sò celebrazion a l'è soratut praticada ind i Stait Unids e in Canada. I bagai i sa mett su un costum e i va in jir per i cà di jents a dir-g "Trick or treat!" ("dolz o sqerz!") a domandar-g dolzets, bonbòn ind el Regn Unid, o leca-leca in Australia, e pœ i jents a ge ie dann. Qella usanza qì, ind el principi, la ge implicava anca un sqerz. In qell cas qì el sqerz al podeva vess spiegad: "Damm un regal o te faroo un sqerz". I bagaitt incœ inn puu usads a far su sqerz se i ciapen mia un regal; a bon cunt, un quai fiolin anmò al fa dispets (sqerz o ròbbe per tœ in jir i jents, tant 'me mett la carta del bagn in su i erbor; scriv in su i fenestre cont el savon o tirar œv in su i cà). Despess i vestids plussee drovads inn qii de fantasma, strie, sqeleter e olter moster spaventos...

El dì de festa Samhain, qe al nava al post del Dì de i Saint, a l'era anca cognossud mè el Dì de la mort, festejad de tants pagan, a l'è un dì aleger (anca se a se festeja la mort). A se pensa qe in qell dì qì i anime di mort i torna indree in su la Tera.

Tante gese luterane a festejen el 31 de Oitober cont una festa ciamada Reformazion: qel dì de festa qì al g'ha in tema el dì qe el Martin Luter l'eva miss sora de un uss de 'na cesa i Novanta-cinq Tesi.