El Partid Gay (Partito Gay in italian) a l'è un partid politegh italian dedicad a la tutella di dirit LGBT.
Quest articol chì l'è scrivud in lombard, con la Noeuva Ortografia Lombarda |
El partid l'è stad pensad in del 2018 del Fabrizio Marrazzo, che l'ha registrad el nom e l'ha did che l'havaria podud ciapà 'n bon numer de vot. L'è stad presentad el 19 de november 2020 e 'l se definiss, oltra che Gay, anca liberal e ambientalista.
In tra i so prim at gh'è stad la critega del Zlatan Ibrahimovic per di batute che l'ha fad el Festival de Sanrem in su l'Achille Lauro, de lor retegnude omofobe, e la proposta de cambiàgh i nom di Giardin publegh de l'Indro Montanelli a la Raffaella Carrà, morta de poch, per via di idee razziste che 'l gh'ha havud el sgiornalista.
In di elezzion ministrative del 2021 s'inn candidad a Roma, Turin e Milan, e inn boni de otegnì un quai representant a Morteron, e a dicember 2021, cont un acord con la Liga e Forza Italia inn boni de otegnì anca un assessor.
In di elezzion politeghe italiane del 2022 corren in di liste del Moviment 5 Stelle con du candidad, nissun el riva a vesser elesgiud.
This article uses material from the Wikipedia Lumbaart article Partid Gay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.