La Golfo Persian (persian: خلیج فارس, Xalij-e Fârs, 'Gulf of Fars') es un mar en Asia sude-ueste.
Lo es un estende de la Golfo de Uman de la Mar Indian, tra la Streta de Hormuz, entre Iran a la norde-este, e Arabia a la sude-ueste. La delta de la rio Xat al-Arab es la costa norde-ueste.
La corpo de acua es conoseda istorial e internasional como la Golfo Persian. Alga governas arabi prefere refere a lo como la "Golfo Arabi" o simple "la Golfo". La nom "Golfo de Iran" es usada par la Organiza Internasional de Idrografia.
La Golfo Persian ia es un area de batalias en la Gera Irac-Iran de 1980 a 1988, en cual cada lado ia ataca la barcones de petrolio de la otra. Lo ia dona sua nom a la Gera de la Golfo de 1991, un gera sur tera e en aira cual ia segue la invade de Cuait par Irac.
La Golfo Persian ave multe areas per bon pexa, resifes vasta (rocosa ma ance coral), e ostras de perlas abundante. Ma sua ecolojia ia es danada par industri e malversas de barcones de petrolio.
La golfo es en la basin de la Golfo Persian, cual ave sua orijina en la senozoica e relatada a la sudui de la Placa Arabi su la Montes Zagros. La estende de la basin de oji ia comensa sirca 15,000 anios a ante, la resulta de la leva de la mares de la retira de la glasias de la olosene.
This article uses material from the Wikipedia Lingua franca nova article Golfo Persian, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.