სპარსეთიშ ჸუჯი (სპარს.
იდვალუაფუ ირანს დო არაბეთიშ ჩქონს შქას. ორმუზიშ ჸუჯით მერსხილიე ომანიშ ჸუჯწკჷმა, არაბეთიშ ზუღათ დო ინდოეთიშ ოკიანეთ. ჰიდროლოგიური რეჟიმით, სპარსეთიშ ჸუჯი - ზუღა რე.
სპარსეთიშ ჸუჯიშ წყარპიჯიშ ქიანეფი რე - ომანი, არაბეფიშ გოართოიანაფილი საამიროეფი, საუდიშ არაბეთი, კატარი, ბაჰრეინი, ქუვეითი, ერაყი დო ირანი. სპარსეთიშ ჸუჯიშა დინმახჷრჩანს წყარმალუ შატ-ელ-არაბი, ნამუთ აკმიქიმინუაფუ წყარმალუეფიშ ტიგროსიშ დო ევფრატიშ აკოკათაფათ.
თე წყაროჩუაშეშ ჯოხოდვალაშენი ართიანს ოდაუ მუსხირენ არაბული ქიანა, ნამუეფსჷთ ოკონა გიოდვანი „არაბეთიშ ჸუჯი“.
სპარსეთიშ ჸუჯი, დიდარი ნავთობიშ საბადოეფიშ გეშა, შანულამი გეოპოლიტიკური რეგიონი რე.
ჰიდროლოგიური, ჰიდროქიმიური დო შხვა პარამეტრეფით სპარსეთიშ ჸუჯი ორხველჷ ზუღეფს.
სპარსეთიშ ჸუჯიშ ფართობი — 239 000 კმ², სიგჷრძა — 926 კმ, სიფართა — 180—320 კმ, ოშქაშე სიტომბარე — 50 მეტრაშე მერკე, მაქსიმალური — 102 მ.
This article uses material from the Wikipedia მარგალური (Margaluri) article სპარსეთიშ ჸუჯი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.